讀書真係冇用?:(

正告樓主本人既經歷。我與一眾同學大學畢業後全班四十幾人所有人都係三個月內搵到工，而當年經濟唔算好。而我讀中學既同學有好多都大學畢業，同樣所有人未聽過佢地無野做。依家我班同學之中，最叻既係跨國公司做高職、亦有同學入政府做好耐，收入幾萬一個月並不少見。而我所有有大學學歷既同學依家全部都各有事業，亦有不少已成家立室。

讀大學唔一定大富大貴，但我寫包單出來社會唔會餓死。而且依家已經係知識型經濟社會，要有競爭力就一定要有番咁上下學歷。我見過太多朋友因為太早出來做野，學歷唔夠，後來要千辛萬苦一步步非常艱苦地兼顧學業及工作慢慢升上去，睇到都鄧佢可憐。

樓主依家仲後生，最緊要係唔好理咁多，比心機讀書，亦要多啲同你爸爸慢慢解釋讀書係人生最值得既投資之一，絕對值得花時間、金錢及心機去經營。讀多啲書除左實際上會令你係事業上有更多機會之外，亦可以開啓樓主及其他年輕人既智慧及見識因為讀書明是非，開智慧之後，可以令年輕人獨立思考，為自己前途打算，亦可以遠離麻煩事，呢樣野甚至比事業發展更重要。

2012-09-04 23:19:16 補充：
想解釋比樓主既父親大人知，入天文台做係世界上最艱難既任務之一。天文台與氣象預測有關既員工基本上一定要大學物理系或氣象學畢業。如果只係大學畢業生，入去雖然只係做後生，但已經係月入過兩萬既公務員，無驚無險未來幾十年都係鐵飯碗。

2012-09-04 23:21:46 補充：
大家係天文台常見既科學主任唔係求其請番來既普通人，佢地好多人都有博士學位！只係讀完大學個Degree根本無得出鏡，你要讀更多書讀上去再浸多十幾年先至有機會做呢個位。

2012-09-07 22:49:00 補充：
回施丹兄，好似你咁上進既年輕人點會無前途﹖只係依家社會的確愈來愈注重學歷，為未來發展著想，儘快讀番個degree的確會好有幫助。但進修從來都係重大決定，要小心計劃金錢及時間，讀咩都要慢慢唸，唔需要太急，最緊要讀既課程對你未來有幫助。

2012-09-09 12:29:44 補充：
施丹兄既情況原來如此。公大既進修比較自由，只要你有錢有時間，據我所知轉科唔係問題。只係無論護士或圖書館管理員都需要申請者有大學學歷，我建議施丹兄應儘快搵另一個degree讀左先會比較好。

2012-09-09 12:32:33 補充：
有一件事可以比施丹兄參考。政府經常招聘助理圖書館長，屬公務員行列，但佢既入職要求只需要申請人有大學學位，唔一定要有圖書館相關學歷，如果施丹兄遲啲讀左個degree，可以試下申請呢個職位。

steventtw20大師，那我只得高級文憑的即代表遲些也是死路一條?

2012-09-08 14:21:45 補充：
steventtw20大師，讀degree我不是不能，HD完了後試過給公開大學收過，但我是讀hd中途才知自己根本不是自己所讀科目(化學)的料子，所以現時只在福利機構工作，一面儲錢作讀書用一面另行出路。

現時至少有兩條：一是成為保建員待日後進入護士之列；另一就是入讀圖書館及資訊管理(最好就港大那間)高級文憑，之後在資訊中心或圖書館工作。不知你又有何高見?

2012-09-09 17:23:37 補充：
1.)但如果先去讀HKU SPACE的圖書館及資訊管理HD，之後去些圖書館或者資訊中心做些一般職/助理職(總之未去到助理館長)，再半工讀讀完Degree，這又可不可以?

2.)至於保建員，就因為人口老化，可見未來工作機會可以很多，都是想讀完工作一段時間後再讀護士course或Degree。

其實我是怕只得化學高級文憑，並無以上兩行業的專業，若現時只求其讀degree反而得不償失。

2012-09-09 17:39:01 補充：
或者這樣，我己經另行發問，steventtw20大師若方便你可以到在下檔案的發問記錄看看的。先謝過。

老豆話讀書冇用。禁你唔讀書去做地產個D，搵個萬幾銀，仲要無升職機會。
你讀完大學去做，都可能係搵差唔多，但有升職機會。
仲有你老豆話好多報紙都話大學生搵唔到野做，你想一想連大學生都搵唔到野做，讀唔到大學個D又有野做咩？
你係大學讀天文學個D，遲D係天文台做,第日唔做天文台，都可以羅住張大學文憑去找其他工。兒家好多大學生讀完，都唔係做佢讀個D工，就例如，有唔小人去讀生物個D，但又個個去做科學家咩，有D米又係去左做寫字樓。
所以一句講完，努力、專心D讀書，將來到U，到時你想做咩都得。

你成績咁好千奇唔好放棄，應繼續進修向上，就算阿爸唔比錢你都可以半工讀，因為讀書唔係為發達，是為了吸取知識充實自己，再運用來做福世界，就算你擁有富豪生活，也只是過眼雲煙，離開一天都會失去，所以你應嘗試糾正父親的思想，第日唔做天文台,你仲可以做天文學家，繼續研究啊！