巴黎住宿安全問題

當找到一間心儀的酒店之後, 首先是要看看位置是否適合. 將酒店地址放在 Google Map, 便馬上可以找到了. 留意, 巴黎的市中心 (所謂的 1 至 20 區) 是位於一條叫 Boulevard Peripherique 的高速公路之內的. 你所提及的地方, 剛好就在公路之外, 只可算是市郊, 而不是市中心. 而在巴黎, 一般如果你看到地址/ 酒店名稱有 "Porte" 這個字, 基本上都位於市區邊皮, 因為 "Porte" 就是古時巴黎的城門, 城門又怎會在市區 ?

言歸正傳, 如果你是第一次到巴黎, 強烈不建議你選這酒店, 原因是太遠, 而且比較偏僻, 夜歸時可以只有你獨自一人... 我也明白這酒店的價錢可能是市區的 60 - 70%, 不過方便和安全也很重要, 與其每天花費 2 小時往來酒店, 我不如睡足一點了...

巴黎是一個十分 tourist friendly 的地方, 自由行沒有難度. 遊客區的餐館大多有英文的餐牌, 飲食不是一個問題. 飲品比香港貴, 因此可以準備一個水樽, 巴黎的自來水是可以直接飲用的. 小偷的問題固然存在, 但並不是恐怖, 在地鐵內不要以為人人都是賊一樣的提防. 財不露眼, 不要樣樣表現出 "我是遊客" (例如看數碼相機照片, 四處拍照, 看旅遊書等等, 這樣你的行程會安全得多, 畢竟巴黎也有不少華人, 華人不會被特別注意的.

至於網上傳言 (例如聖心堂附近的黑人強迫遊客戴上手帶等等), 參考一下, 提防一下, 也是無妨的...

如果你去巴黎旅行一星期而又住咁遙遠既酒店既話,你一定會後悔.
呢區安唔安全我唔清楚,因為完全無諗過會去/經過呢一區.你想住既地方已經出左巴黎中心既20區之內,所以坐地鐵會貴過20區之內.
我老闆係法國人,我上次去巴黎玩既時候佢同我講巴黎20區之內治安仲算可以,20區之外就無咩特別就唔好去啦.
我上次住響第5區既hotel st. pierre ,近地鐵又近rer,近景點近超市又近食街,大家都係1K左右一晚,我如果再去,我會住番果度.
睇你問既問題應該係第一次去巴黎,係嗎?會去邊d地方呢?行旅遊景點既話就住番市區啦,行累左都可以番酒店回氣嘛;地鐵十分之多扒手既,小心個人財物同d細路,佢地都係職業扒手,可以好快就立左你d野;我唔會響地鐵度座,巴黎既地鐵只會開死一邊門,所以我會'其'響另一面門度,因為有賊偷野都容易d反抗呀嘛;食野好睇個人,我唔識法文,但係通常d餐廳都會有english menu,所以問題唔大.
希望幫到你.