請琛明大師用紫微斗數解疑難

依家生意真係好難做.....仿如雞肋.....琛明大師非常有同感......回覆如下：
貴造紫微斗數屬紫微子宮丁生人，流年壬辰，虛齡36歲，行癸卯33-42歲大運中段。原局主一生大致平穩，但同時意味傾向"餓唔死彈唔起".......個人式事業算合命格......現大運(大抵指42歲前)人生較感流離迷失，事業稍見辛勞，不晴不雨陰霾天，惱煞了佳人......流年壬辰，逆水行舟多費力，有時順時有時逆.....顧得東來缺了西，仍是君家運未齊......秋冬難旺，宜戒急用忍靜待明年春夏.....

姻緣方面，原局孤味稍濃，女命古時會批"寧住佛堂，不入椒房(註)",,,,,夫緣稍晚，但太晚的話就易"青燈自守，木魚長伴"(即不嫁，甚至連同居都不願).......貴造已屆三旬中，除非對方非良夫，否則"蘇州過後，恐非無艇可搭，乃妳會因為更加看淡姻緣，明明有得搭而不搭".......以姑娘姿色質素，實屬可借.......不過話得說回來，嫁必然要開心嫁，嫁得心甘情願，豈有諸多顧慮勉強拜堂求其洞房耶？恐對方只算情人未算眷屬或恐白頭之約難守未定喎......結婚乃妳個人意願，如有意的話，今年紅鸞星動，如錯失者，可考慮2014甲午年.......
祝有money有honey
琛明大師
(註)椒房指漢朝皇宮未央宮內皇后正寢宮，名"椒房殿"。後人以"入住椒房"代表成為皇后或嫁入豪門大戶的意思。"寧住佛堂，不入椒房 "即情願獨身，亦不貪圖利益貿然出嫁之意.......

2012-09-09 22:12:40 補充：
哎呀，恕琛明大師眼拙......只依古書"紫微子宮丁生人極居極位會空劫"直說.....一時未有細看癸丑、壬寅大運運程(的確稍久佳)......另琛明大師依古法，女命孤味稍濃古代即主欠"夫緣"及"男緣".....現代只欠"夫緣"但可以有"男緣"，可免孤獨終老.....古代亦無女命以"唔想生BB"為理由而唔出嫁.....我估妳唔嫁真正原因係覺得反正結唔結婚生活都一樣，根本"無須要"一定要結婚......亦意味妳某程度上唔想背負"某人太太"身份.....至於妳"不婚"原因與古人評價有所出入會加以研究.....

2012-09-09 22:36:44 補充：
至於疾厄宮星象屬吉煞混雜，主奇難雜症，亦須提防婦科疾腸胃疾，已屆中年，要留意了.....另一提紫微子宮守命的人數目是偏少的，"極居極位"就更少，琛明大師亦只有男命而欠女命，之前僅有一庚生人女命，為剩女無姻緣.....今次首次有女命(丁生人)案例，會加以研究.......