好煩惱, 希望得到有心人幫忙

我今年35歲, 女朋友就31歲, 我同我女朋友已經去到談婚既階段, 準備出年結婚, 但係我地行左6個月左右, 大家都係MATURE既人, 好清楚自己要咩, 鍾意咩, 所以點解我地可以咁快確認對方係另一伴.

最初佢同我家人傾計既時候, 佢地都覺得呢個女仔好好, 咁我就好放心, 因為相信佢可以同我家人相處到. 咁我就好落力, 好投入呢段感情, 一個月前我同家人講, 佢係我結婚對方, 我家人講我鍾意就OK, 唔好後悔. 係呢個星期, 我同女朋友開始PLANNING, 咁我家人見我地開始睇結婚既事情, 我同佢亦都有同佢身邊朋友講.....點知去到沉日, 我家人突然反對, 話我地發展得太快啦, 我同佢只係認識左5個月, 我係唔可以完全了解人呢個女人, 我家人好怕我係俾愛情令到我盲目, 睇唔得清楚,......佢地問左我好多問題, 我真係答唔到, 我發覺父母睇既野好唔同, 不過真係一d好現實既問題.

但我心諗, 我地已經公開左, 話左俾好多朋友聽..........早幾日鼓起勇氣, 同我女朋友講左我父母既concerns, 佢好嬲, 覺得我呃佢, 開空頭支票, 而家玩大左, 收唔到.......因為佢父母已經準備左好多物品.

我而家唔知點做好, 夾係中間, 一來家人唔支持, 二來大家既朋友都知道左, 最後我同佢講, 不如推後一年, 俾我父母更接受你先, 結婚係遲早既事, 我結婚介指都買左俾你, 但女朋友話唔可以, 一定唔可以接受推後一年, 佢同家人會好冇face......但我知我女朋友已經對我好失望, 對我既語氣差左好多, 我好怕而家佢係硬著頭皮同我結婚啊........

唉, 我而家好煩惱....進退二難, 點算好...

請指教!