用兩條寬頻線如果連接多部電腦

樓上那位,你這樣說就不對了,公司工作不是在家打機加個ROUTER咁簡單,
仲有NETWORK SECURITY 要考慮

首先,唔係加條線就會解決上網超慢問題,你公司的頻寬是100M,1000M
還是獨立t1?
上網慢通常係router overload,switch等有collision,以致上網速度減慢

如果你想管理得更加方便和日後方便再加電腦建議你用switch,
再用分開不同subnet方便管理,同時也能減低一部機中毒而感染全部電腦
(如果是直接駁入router是同一個subnet,
被hacker入侵你全部電腦就輕易被HACK了

2012-09-01 03:36:44 補充：
其實我唔suggest 申請第二條wan線入,,樓主只有加幾部電腦,並不需要額外花費,
在switch 與switch之間set spanning tree protocol 就可以有效減低collision狀況,雖然用wifi
方便,但若加密做得不好,在communication其間會被惡意的人取到私人信息

另外樓主俾太少資料,也沒說該公司是什麼性質,總共有多少台電腦,是作為server還是client?

有budget就梗係買 network balancing 既 switch 著數啦
如果無 亦可以好簡單 照樣可以好似屋企咁 一個router for 一條街線 內聯方面係無影響 但駁法要留意
for原本那條街線的router or switch 可以不變 但要係其中一個lan port 飛一條線去新果broadband router既lan port, 新router 要關dhcp功能 ip 要set 返係同另一個router同一個submask既ip 新router個wan port 就當然駁返新果條broadband線 然後邊部電腦想駁新果條broadband就set 返gateway做新router果ip就ok了 內聯方面所有機依然係可以互通　呢個方法當然無network　balancing 既switch咁好啦 咁有效率
但成本就低好多

其實, 夠唔夠用, 係咪要睇你有冇MANAGE 同你要D 乜至決定到你既BOARDBAND 負荷唔負荷到, 另外, 同埋你主要做既野係乜, 如果EMAIL SEVRER 係設係金司, 你就真係要諗諗佢喇

我呢個答案同之前幾位o既方向有少少唔同, 你可以當個參考.
如果只係怕唔夠負荷, 你可以先打去你供應商度, 叫佢俾番過去3個月o既數據紀錄你, 咁你咪知而家用緊幾多, 有無用到盡, 咁你咪可以計到多4部有無分別. 例如你公司用緊6M, 但平均只係用到3M, 咁咪仲有位剩, 而家Netvigator 都有俾客戶自己登入自己個戶口度睇, 唔需要問佢攞就可以揾到紀錄
另1個方法, 係加大個寬頻, 自己計番大約差幾多先至升級, 例如而家用緊6M, 你可以申請去10M, 或者15M, 咁有兩個好處, 第1係平日其他機都可以快啲, 另外唔駛租條新線費用, 加埋自己內部要升級rouer or firewall, 可能仲慳錢

如果你公司會申請第二條wan線入，你公司就要加一個雙wan router，該類router具有平衡輸入功能(通常價位過千元)；當一條線遇阻塞，就自動轉另一條線。因此，該第二條wan線，最好是選另一間網絡供應商，免遇相同阻塞狀況。
雙wan router之後，才再加裝那些普通router，作公司內部電腦分線之用。如何規劃公司內部電腦，最好資詢網絡公司。因為有時安裝普通router，會平過使用lan hubs；但系統就會複雜左、及慢左，而且使用中央儲存系統亦有問題。但有時電腦太多、或公司太大，亦必須加設router，以擴展內聯網絡。

註﹕lan hubs有8位、16位及24位；普通router都有4個位，但價錢就平過8 位hubs很多(8位hubs都要$8xx)。有時使用wifi更實際，所以要請網絡設計公司來評估。

可以接駁Router或者分線器，售賣電腦專門店可以購買，買完後請諮詢如何接駁線路和設置。