✔ 最佳答案
100蚊一隻門,除非你係幫泥頭佬買佢地拆出黎既舊門,咁就絕對有可能,但我就唔會用一萬蚊買80隻咁多,因為存放既成本仲高過隻門本身價值.
房門一般都用空心門,實木或實心都好小用,但講下都冇所謂.實木門既意思係用原木去組合成一隻門,收水情況比較大,做隻門既工序要求好高,同埋用得呢類門既客人,係唔會睇到完成品,而係先睇原木,再要求工廠按照設計及規格訂做出黎,冇幾萬蚊都做唔到.
實木門只係以木方排列,外面做裝飾面,例如油漆,防火板,木皮,金屬,馬賽克,基本上咩物料都得,而空心門情況一樣,只係木方唔會排到咁密.價錢黎講,現成門較訂做平,價錢都係幾百起至二千,如實心門就加幾百,而要埋耐火證書又再加幾百,係咁上下.
至於鎖就有平有貴,普遍用珠鎖,幾廿蚊至幾百蚊,新款D選擇有歐式鎖,幾百至三千,
咁當然,你裝把指紋感應鎖都冇話唔得,大約5,6千.
人工方面,我都好難講得準,因為做工程既野,除左人,仲要工具,時間都係成本,最好去附近既裝修公司睇下幫唔幫你做(我建議你搵佢地連工包料既方式去做,自己買材料都幾花時間,如果你要求唔高,大約$2500蚊,包拆包清包門包鎖包裝包開到閂到).