有關工傷及賠償問題

本人工作係SALES,每天工作都要自己親手拉閘開/關門,2011年12月底拉閘開門時

頸右邊受傷,當時轉唔到,梗左,即日去政府醫院睇,但無照X光,醫生只係按下有某些

位特別痛,醫院比左幾日假,因為關乎頸,我怕影響將來,我第二日即去私家睇,睇私

家都睇左好多錢,照X光,物理治療,食藥舒緩痛楚,再照磁力共振,再轉介做第二種物

理治療(中西合壁),但都係唔好,醫生診斷我係拉傷肌肉靭帶,好難變返以前好既時候,

到現在後遺症有影響我肩膀常痛,條頸向前向後傾都會好痛,特別向後,而且平時經常

會出現痛, 好似有野理住條頸咁,手用既力比以前弱左,用唔返以前果度力,仲會有麻

痺出現,仲有成日頭痛,同埋訓覺唔可以向右邊訓好長時間,我工傷假至2012年4月30

日,咁我就2012年5月開始返工,諗住試下返工會唔會好轉,但返工期間都因為痛而請

左兩次假,最後6月頭決定辭職轉行,LAST DAY係6月30日,但7月同8月有返舊公司

幫忙做PARTIME,工作日數約十多日(只係為幫朋友先至返),到現在連PARTIME都

辭左....

以下有些問題想問~

1)最近判左一次傷只得1%,我會再申請判傷,但因為壓力太大,9月頭買左機票出國4

天散心,會唔會影響我之後可能從法律追溯?如果會,點影響法?

2)我工傷期間所有睇醫生費用收據都有比公司,到而家都未有claim比我,舊公司話等

埋判傷之後先有,呢個做法岩定唔岩?還是我可要求叫佢claim左比我先?

同埋會claim得足全數嗎?(但某部分我有claim自己保險,

某部分就claim爆左而無得claim)

3)如果我判完第二次,都係唔滿意,我之後應該點做?係咪一定要法律解決?

有些朋友都有呢D經歷,叫我如果可以同公司傾就私下傾掂數,係咪可以咁做?

4)我有打返舊公司同人事部講聲我會反對第一次判傷(因為佢都會收到第一次判傷

既信),會申請再判,我有講到因為賠償問題所以先提出上訴,之後也有可能經法律途

徑,咁樣做岩唔岩呀?不過中斷我有講我睇醫生既錢用左好多,但人事部果個人有講

會有得比返我,想知佢講比返我係會有幾多?(我當時無問佢)