感情煩惱, 面臨分手

我今年已經31, 之前從未拍過拖, 因為我係肥妹一個, 實在無男仔喜歡, 呢幾年間我都係網上試識男友, 因為工作同現實環境真係揾唔到, 4年前我在網上結識現在的男友, 但4年前只見過一次面, 佢好快就問我有無機會發展, 當時我沒有答應, 因為覺得太快, 我未了解清楚佢, 但當我拒絶時, 佢就好嬲, 於是我一路都無再揾佢, 直至今年6月, 神推鬼撞, 我在MSN揾番佢, 初初諗住傾下, 跟住好快佢又再問我可否試下交往, 今次我好快答應佢, 7月初約第一次見面, 佢想拖我隻手, 但我沒有, 因為我都想再了解多D先, 第二次約, 佢已經捉住我隻手, 我無拒絶, 之後的兩次, 我慢慢開始接受佢, 覺得佢份人都認真, 於是7月中我地叫做正式拍拖, 但因為大家都忙, 其實我地見面不算太多, 直到上星期日, 一, 我們去左MACAU兩日一夜, 呢個TRIP係佢8月初提出的, 我好開心, 因為佢真係好忙, 佢都特登安排假期陪我去玩, 玩完返黎, 我們慣常用MSN溝通, 但突然佢對我的態度好唔同, 傾少少野就有衝突, 佢話我的價值觀同佢好唔夾, 但我只係覺得大家在某些事的看法上有點不同而已, 無傷大雅, 但對佢來說顯得好大件事, 接落黎呢幾日我們在MSN的對話已經去到好壞的地步, 我話我們的溝通似乎出現了問題, 其實我好想大家講清楚, 希望可以解決, 但他沒有正面答我, 直至昨晚, 他講自己將會好忙, 無時間陪我, 但我問佢掛唔掛住我, 想唔想見我, 佢又話想同掛, 但真係無時間, 跟住佢竟然話你揾到另一個就去啦, 我唔會怪你, 我真係喊到收唔到聲, 個心好痛, 到今日, 我喊左成日, 我揾過佢, 想同佢講清楚, 但佢話下星期先約我, 話遲D先, 我問我地係唔係唔可以再一齊, 佢有口難言咁答我話唔係, 總之遲D先, 我而家個心真係好痛, 佢係唔係要同我分手? 但我唔知點解, 雖然佢都提過話大家性格唔夾, 但我唔覺, 我覺得可以大家去傾, 佢偏偏又唔同我傾, 我唔知佢諗咩, 我真係鍾意佢, 真心想同佢發展, 但係佢而家的態度已經係疏遠我, 迴避我, 我可以點?

希望有心人同我分擔下!