副學士先修問題

類似你既例子, 新聞有講, 但是讀舊毅進先, 再副學士先修

http://hk.news.yahoo.com/%E8%87%AA%E8%B3%87%E8%AA%B2%E7%A8%8B%E5%AD%B8%E8%B2%BB%E8%B2%B4-%E6%B8%85%E8%B2%A7%E7%94%9F%E5%90%83%E5%8A%9B-223000920.html

○三年會考只有一分的林勇琪，選讀毅進課程，惟因申請政府助學金不獲批核，需申請免入息審查貸款。「毅進學費三萬元，其後再銜接副學士先修課程，再申請三萬五千元學費貸款。」他畢業後曾任職月入八千元的文員，扣除每期四千元還款、家用等開支，所餘不多。「後來對社工有興趣，再報讀副學士課程，並申請十一萬元學費貸款。」

========================================================

建議你讀新毅進文憑, 再讀副學士, 以嶺南大學社區學院為例

http://www.ln.edu.hk/cc/chi/recogn/progress_path.php

http://www.ln.edu.hk/cc/chi/student/achieve.php

未知你工作收入高不高.
如果你高收入, 你可以先讀毅進, 再入副學士先修, 然後升副學士, 不過這途徑要花至少20萬港元, 因為這是自資的, 沒政府資助的. 還有大學學士學位課程還未計數.
如果你負擔不起, 而又真的打算用功讀書, 你不如找間有政府資助的高中夜校, 讀好中四中五中六, 考好HKDSE, 然後直上大學學士學位. 如你夠窮取取得學費全免, 你就1毛錢都不用. 假如不幸你學費沒減免, 總學費都必定少過20萬.
小心學店的廣告, 他們是想你幫襯他們, 不會理你會否債台高築. 循副學士先修途徑入大學而欠債的新聞很多, 請參看8月份的報紙.

你可以去呢個網問問
www.eduplus.com.hk/9
佢有個Dr Ed Q&A Section
會解答大家升學進修的問題
你可以去問一問架

做左一輪野再讀番書值得鼓勵, 但要清楚自己讀書是為左什麼和達到什麼成果.
如果由副學士先修起步一直讀上去拿到比較高的學歷, 順利的都起碼要十年八年和幾十萬的學費.如果只讀 AD, 讀完都幫唔到去找份好工就不如唔好讀.
你如果有積蓄, 可以參考我朋友條路. 佢5年前中五未畢業便停學去廚房打工, 3年前憑著低學歷和工作經驗去左愛爾蘭一間酒店及餐飲學院讀基礎廚藝, 一面兼職一面讀書, 可能佢做過工成熟左, 估唔到佢發揮讀書能力, 今年可以入讀大學專業餐飲學位, 仲係國際性既大學... 想知多D可以問我.

大前提: 其實副學士先修 (PAD) 已經系舊制度時期既產物，自會考2011年完左之後，吾少專上學院已經響舊年 (2011/12學年) 表示今年吾會再開PAD，尤其較有名氣既HKCC (理大專上) 同CCCU (城大專上)。只有HKU SPACE﹑ 嶺南﹑ OU 同 BU 仲有開PAD。而且，新毅進文憑系指明系中六離校生，如果你冇中六個畢業證，系冇得報新毅進 (除非你舊制中五考到中英+3科合格) ~吾好搞錯~!

1.) 年齡吾系問題，我讀PAD果陣都有人系22歲。以我所知以往系HKU SPACE﹑ HKCC同CCCU收生門檻較嚴 (其中HKCC要求PAD申請人要響CE考到10分或以上~!) ，而嶺南同OU早排試過超額收生，依家吾知點啦......

2.) 呢點冇話邊間U會對AD人好，邊間特別差甘樣...不過聽講我有個中學同學講CCCU對AD較好，因為個張學生證並冇特別標示住自己系乜乜課程既學生，連張cert都系同D讀緊U既城大本科生。(重申: 都系聽講，再者今年CCCU已經冇開PAD)

3.) 雖然PAD同舊制預科系同級，而且好似快過成績中庸既預科生升AD，但其實就算以我呢個會考低分既人黎講，一D都吾難~! 真的~而且爆GPA既人亦為數不少 (我GPA攞3.6X都已經算中挻咋)~不過你如果系hea住黎讀，要fail亦可以好容易 (我果年有60幾個同學，都一樣有7個肥左，其中之一直頭被學校"勸退")~!!! 所以，俾心機，肯去背讀，實冇問題~!!!

至於你話PAD D 中英數，基本上只系學校承認你果科有乜野級數，吾代表等於你會考 / 高考 中英數個級 (其實響某程度比較上，PAD個中英數只有中四-五程度)

4.) 以你會考既"戰績"，要好似十幾歲果班人甘樣以成績報名系幾乎冇可能，特別響依家中學統一只有一次升學公開試，PAD已經同新毅進同級左 (雖然新毅進高級過舊毅進，但目的都系俾果陣既公開試"陣亡"既畢業生搵既第一個"水泡")。建議你可以從你現有既工種基礎上，以年長生直接報讀相關AD / HD課程，只要面試 / 筆試 考到就可以。但如果你話想發展新既專長，都一樣可以以年長生身份報PAD既~但你個成績去報又真系有D~~

5.) 我第一年考會考果陣得5分，4科合格 (中英數都有)，打算博下去報PAD，要我等消息等到回覆話"失敗"，最後要我考番好個CE先得，咁你話你個分得吾得? 雖然吾敢話一定吾得，特別今年PAD會因為冇CE grad而大大縮班，但你自問CE英文程度系吾得既話，勉強入PAD恐怕只會徙你一年既學費，始終大部份PAD都系開始全英文考試~!

6.) 相信比例會系1:9 (年齡VS學歷)，始終一個年長生多數已經有獨立經濟能力，好少會肯放棄工作而全職讀書 (PAD好似仲要冇Part time讀)。

如果你真系打算讀PAD，你可以上YAHOO SEARCH "IPASS" 個政府網搵下先，確定想讀既可以上番學校個官網睇佢地收吾收新生啦~要報就要快手~因為我有D中七畢業既FD都話好多學校都收人收到爆~