有關危疾保險

本人想購買一份危疾保險， 以減低萬一患上危疾時要支付的龐大醫療費。
但經初步了解後， 實在有點疑惑。因為在保險單張上只列出危疾保險中所受保之疾病， 但並沒有列明要去到那一個程度才賠償。 保險經紀話要係保單度先會詳列， 咁即係要比左錢後先知道，到時覺得唔啱都冇得退， 咁即係有用， 對我來說有些欺編成份， 點解唔可以係單張上列明， 待我們可以第一時間便清楚。
我知道有些保險公司癌症要去到第四期， 什至擴散才賠償， 坦白講， 去到呢個時期， 醫番都晒藥費。 因為當年我阿E癌症擴散後醫院都冇同佢做咩治療， 只叫家人做好心理準備， 真係等， 冇做過任何野。
我問過保險AGENT， 佢話如癌症初期（第一至三期等），可以利用住院醫療保障（注：不是危疾保險的保障），只要入醫院，無論住院費，癌症治療及化療的費用也可利用住院醫療賠償， 請問是正確嗎？
但以我所知癌症初期， 一般情況下唔需要住院。只係每天到醫院去接受治療或化療。係咁的情況下既冇得CLAIM住院， 又冇得CLAIM治療費用，咁買左即係冇用。
請大家指教一下， 其實係咪唔需要買， 但怕冇買真係有呢D 危疾時要支付一筆巨大的醫療費加重經濟付擔， 但如買了又冇得賠便白供。