「劏房」與「間房」的分別是？如何才算違法呢？

一個單位一份租約係唔犯法，但一個單位有十幾份租約，咁你算係經營公寓或酒店，應受有關牌照同法例管制，唔使問你都冇攞牌，或者連租約都冇，咁咪犯例囉﹗

呢個所謂合唔合法既問題,範圍可以好大,例如樓宇結構,土地用途,牌照,消防,大廈公契,稅務等,任何一樣都可以犯法,實際情況黎講,香港政府係有事先會執法,無事就唔會點理,所以市民有時會覺得好多人都係咁做,認為冇犯法.

我大約講幾樣例子,先講樓宇結構,僭建既大意黎講,就係冇向屋宇署入則既工程,就算你做既工程質量極高,遠超過建築物條例之要求,只要冇入則就是僭建,引伸下來既問題就係,到底咩工程先要入則?大約既結論係,劏房唔一定係犯法,只係多數犯法.

第二係分租問題,假如你向銀行借錢做樓按並聲明作自住用途,咁好明顯又係呃左銀行,咁又好可能犯法.然後租金收入又應該要交稅,交定唔交好?

第三樣係可能比租客索償,但呢個情況極小機會出現,因為冇錢同你打官司.

*劏房間房既分別,劏房會有獨立廚廁,而間房就只係一間房,入面係冇來去水供應,亦唔能夠煮食,大約係咁分啦.