第一次去台灣自由行~有野問呀~~ thanks~

Q1 : 其實,而家有得上網整簽證,只係填哂d資料,print張紙出黎就ok,即日整即日有,唔使擔心.

Q2 : 九份最好行係九份老街,有好多特色野買,如:野食,陶笛,天燈鎖匙扣等,好岩做手信.

十份就係放天燈勝地,上次去台灣,我同朋友以為九份/平溪先係放天燈勝地(因為受在那些年影響),但係,當地的一個伯伯同我地講,其實十份先係,你可以考慮傍晚時份先去,一黎冇咁多人,二黎黑夜放天燈好靚架,不過,要記得留意火車的班次,如果唔係,就要等好耐先有車搭,仲有一間叫十份幸福的店鋪,響果度,可以比錢買明信片/紀念木牌,買埋郵票,可以要求一年後先寄番比自己.

淡水的景色好靚,仲可以搭船去漁人碼頭,響岸邊可以踩單車,有單車徑環繞淡水,放心,周圍都有得租單車踩,仲有,淡水老街可以行,唔錯架,有好多賣衫鋪頭(幾抵架),淡水岸邊有人唱歌+吹樂器,有人賣藝,好有情調,好岩情侶,最緊要記得睇日落呀,好靚架.

美麗華,我同朋友淨係搭左摩天輪,如果唔係搭透明車廂,基本上唔使點等,因為,大家都想搭透明車廂呀,我地上次係夜晚去,夜景唔錯.

101大樓入面,名店林立,基本上,係比有錢遊客去買野,而且,觀光果層係要比錢(好貴),本身,我同朋友諗住搭lift上果層,但係唔比錢入,淨係感受下搭lift,點知,一搭lift就要比錢,結果冇去.後幾日搭的士,司機同我地講,佢地當地人都係咁以去見識下有幾多名店,然後影張相就走.

西門町聽人講好雜,但係,我同朋友住果度都唔覺,勁多唔同的鋪頭,但係價錢冇五分鋪果d咁平,而且,入夜會好似夜市咁,有好多好野食,如果你有時間,可以順便去埋西門紅樓,佢係古蹟,係藝術展覽地,有好多好得意既野睇,仲有靚靚鋪頭,好有藝術氣息,不過,d野唔平.你記得去搵下西門町d格仔鋪,好多野買,價錢好平,好岩自用/做手信.

士林夜市有好多野食,同入夜的西門町差唔多,不過好焗.除左野食,仲有野買.

美食小吃,其實台灣周街都有好野食,重點係價錢唔貴,如果食唔岩,有食市,如:意大利餐廳,係香港平時有的,總有一間岩自己.

本身我地都想去六褔村玩機動遊戲,但係諗住香港都有主題公園,去旅行當然玩平時冇架啦.睇動物可以去木柵動物園.

Q3 : 去之前可以上網睇左去果幾日的天氣預報,不過唔係咁準,只可以當參考.

Q4 : 我同朋友去果陣,住西門町的20輪旅舍,價錢唔太貴,服務員態度好,又肯幫我地,設備唔錯,而且,住西門町,交通方便.

Q5 : 我同朋友係去旅行社買機票+旅遊保險,但係,旅店方面,我地係上網book,然後過數比佢confirm book房.

*因為要填你響台灣時住邊,所以最好搞掂哂d野後先整簽證.
*要睇下passport有冇過期.
*如果身體容易水土不服,記得帶定藥.
*小心提防有自稱係攻讀生,然後當街賣野話籌學費,我地開頭唔知買左,之後先知比人呃.

**雖然,你係第一次自遊行,但係,唔使擔心,因為,其實台灣人好nice,好肯幫人,我同朋友上次去都係第一次自遊行,我地都受左唔少當地人的幫助,基本上係日日都有人幫我地,教我地行我地的行程.

**聽的士司機介紹,好似話巧克力共和國同埋小烏來都唔錯,都好玩.

**我地果時去左大溪花海農場,愛情故事館,五分鋪etc.

**你仲可以去浸溫泉,我地果時去係夏天,所以費時熱辣辣咁浸,如果去浸,記得食埋溫泉麵+蛋,同埋睇埋地熱谷呀.

祝你旅途愉快!

**有咩唔明,可以再留言問我呀.

2012-08-26 22:14:28 補充：
其實,我同朋友之前都定左好多地方想去,我地去6日5夜,但係,台灣每一個地方唔係話真係可以咁快行得哂,所以,我同朋友最後都冇去三峽玩藍染同埋新竹的玻璃工藝博物館.

或者你可以試下好似我地咁,將想去的地方依照佢地的鄰近性分類,然後放入唔同的行程日子入面.

**注意: 要預埋車程的時間,所以,如果你去的地方離開住宿較遠的,一係要早起身,一係要遲返.

Q1. 去台灣要搞簽證，提早1個月申請就可以，需要先book酒店及機票的, 之後上網申請辦理台灣簽證, 即日可以有。
Q3. 11月去已經係秋季, 所以唔會落雨/打風，地震就好難預料得到喎。
Q4. 酒店可以考慮位於捷運-西門站附近的伊樂園酒店，近西門町夜市及捷運站. 出入方面及平。
Q5. 會去旅行社BOOK酒店機票套票，上網book有時未必可靠。
Q6. 捷運去唔到袖珍博物館+六福村
Q7. 沒有漏左但又要注意架
Q8. 最好唔好預先申請, 因為預先申請, 要有確實出發日期, 如果申請左之後, BOOK唔到機票OR酒店怎麼辦?

行程:
Day 1:
-11:20am早機出發, 到達台北機場後大約1:00pm
-到了機場按照機場的拍指示, 找前往台北市心的飛狗巴士候車室買飛出市區(新台幣140/人), 買飛時通知職員你地入住那一家酒店, 巴士會送到你去酒店門口.
-check in 後搭捷運(香港的地鐵)去淡水站下車睇日落
-晚上搭捷運去劍潭站下車前往士林夜市食晚餐
-回酒店
Day 2:
早上搭捷運出發去動物園, 下午可以前往動物園門口的巴士站, 搭巴士前往深坑食lunch. (巴士號碼係3位數字, 但是忘記了,不過果架巴士是以深坑為總站, 個車頭寫住去深坑的) P.S.: 係總站落左巴士後一直往前往, 見到一棵大樹後, 往大樹方向行, 之後會見到分叉路, 行左手邊果一條路會有好多野食, 我習慣去一間叫做粗茶淡飯既餐廳食LUNCH, 價錢合理及好食. 分叉路既右手邊係一條橋, 沒有野好睇的.
-在深坑食完LUNCH後, 沿番入去果一條唔出番去大樹, 過左對面馬路搭912號巴士出去市中心, 912號巴士係前往市政府的, 落左車之後可以去國父紀錄館101大樓, 101大樓有免費接駁巴士送你門出捷運-市政府站的.
-晚上前往西門町夜市, 最好食既野包括:
1. 位於西門町步行街的福勝亭日式豬扒飯. 好食程度雖然是中等, 但勝在佢地有提供白飯/清水/麵鼓湯/汽水任食服務, 當你去收銀處買在飛之後, 會有人送餐的, 食完唔夠飽的話, 近門口的位置有飯煲及湯煲, 自己再去添的. 而添加汽水的位置在廚房附近.
2. 位於昆明街的牛店. 佢地既牛肉麵好好食, 1碗牛肉麵只售新台幣140元(細豌)及170元(大豌).
-西門町附近有2間超級市場:
1. 由西門町步行銜轉左入昆明街食牛肉既牛店行前少少有一間叫頂好既超市 (即係香港既惠康, 台灣人唔叫惠康, 是叫頂好的)
2. 由西門町鴨肉扁右轉出中華路一段後, 一直行至桂林街交界有家樂福超市.網頁:http://www.carrefour.com.tw/store/store01.asp?first=1&AreaID=1&ShopID=%7B87EE8B52-151C-417A-B0DC-172AD107E62E%7D&image1.x=15&image1.y=8

Day3: 去九份+基隆+十份
Day4: 早上去中正紀念堂, 下午去附近的信義路192-194號鼎泰豐食lunch, 之後出機場

..


世界二十大奇景 「太極峽谷」- 天梯

座落於南投縣竹山鎮大鞍里的竹山天梯，是前往「太極峽谷」風景區的必經之處，加上地勢險峻、兩旁盡是奇巖峭壁，因此有「世界二十大奇景」的美稱，在當地就流傳著一句台語俗諺：「一崁到肚臍、二崁到目眉」，巧妙的一語道盡當地的道路難行的態勢

曾經是南投縣內最著名景點的太極峽谷，縱深達百米，因此往來交通十分不便，因此南投縣政府聘請日本技師興建全台首見、世界唯二的「階梯式索橋」。橋樑橫跨梯子嶺溪，全長136公尺，兩端落差達20公尺，共208階，吊橋下方就是知名的太極峽谷

站在梯子吊橋橋上，放眼望去及盡是裸岩峭壁、瀑布奔流的風光，可媲美燕子口、一線天等美景，因此有有「西部太魯閣」的美稱.



太極峽谷 - 傳說中的「太極之心」

http://blog.sina.com.tw/ax563007/





..