北海道自由行

我前年去日本自遊行14日,其中有8-9日就係北海道....
其實北海道既酒店有好多架,有d好到連房都有溫泉,普普通通基本設備咁啦~~
如果你想2種都試下既,咁咪住幾日轉一轉酒店囉~~
同埋北海道地方咁大,最緊要係你住既酒店同你去既地方唔會好遠!!

其實11月尾已經落雪架啦~~所以一定要帶羽絨同雪手套仲有帽!!
仲有牙..最好帶把遮,當地既人落雪個個都會擔遮架~~

必到地方:
1.札幌:時計台(上去要錢的,但我個人覺得好值得!!),北海道舊本廳舍(free),狸小路(個到係買手信既必到地方!!),北海道大學(你可以去個到參觀下,影下相)

2.小樽(必去!!!!!!!):小樽運河(你早黃昏晚影出黎既相都超令超令的> <),小樽運沽對面既店舖,小樽運河尾既一間火車博物館(佢褢面既火車,火車站全部都超令超精緻的!!!!!諗番起都超興奮:p),小樽既美術館(個到既音樂盒好出名的,但價錢就有點兒費啦~),紅磚倉庫(褢面都係d藝術品,去唔去都ok),

3.登登登登登登登..別:登別地獄谷(要行小小山路的,其實都冇咩好睇-_-),行去登別地獄谷途中既一間店鋪/服務中心(廁所隔離)(我反而覺得最值得去係呢間野-3-佢褢面d精品幾令又平,做手信岩哂,佢仲有一部雪糕機,幾得意的,又好味:p),登別熊牧場(幾百yan就可以餵到熊食野,只要有野食,你可以比指示叫佢做乜做乜,幾好玩的:p不過價錢就貴左少少啦....不過我覺得都幾值得既=]),登別伊達時代村(呢個簡直係10萬個讚好!!!!!!!!!!!佢褢面有d忍者屋,塊wall會轉,個地下係斜的etc既野,總之超好玩的!!!!!!)
登別熊牧場http://www.bearpark.jp/zh-tw/general_guidance/index.htm
登別伊達時代村http://edo-trip.jp/

4.函館:五稜郭遺跡公園(你可以係個到玩下dum雪球甚麼甚麼的都唔錯:p景仲好令:D)搭纜車上函館山(個到D景真係超令!!夜晚仲令!!)

**世界三大夜景:1.香港 2.日本函館 3. 意大利拿坡里

至於富良野,冬天我就覺得冇咩好睇,只有薰衣草雪糕,揸下牛奶咁,冇薰衣草睇~~所以如果有心要去富良野,本人就建議春天/夏天先去啦~~

2012-08-23 14:25:54 補充：
唔好意思上面打錯少少字....
不過你應該估到吧:p
價錢方便:11月唔係旺季,所以機票唔會好貴....
不過而家yan都幾貴下,d景點既入場費都幾貴,所以你預$10000左右啦~

我上次去北海道５日４夜自由行，果４晚都系住同一間酒店，第１至３晚都有溫泉浸，但第４晚沒有溫泉，日本Ｄ溫泉都ok架！有時間不妨去浸下。11月尾北海道應該都會落雪，消費大概要８千幾蚊一個人。一定要去薰衣草原，仲有得食薰衣草雪糕添！都幾好味架

2012-08-23 12:59:02 補充：
如果你想格價的話可以去沙田連城廣場的連城旅遊廊，果度有好多旅行社俾你格價　　　

2012-08-24 17:00:57 補充：
有關北海道既資料可以參考下呢個網址：　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　http://zh.wikipedia.org/zh-hk/%E5%8C%97%E6%B5%B7%E9%81%93

你問得咁奇怪﹖你係自由行嗎，住邊間酒店，住幾耐係你自己決定，自由行通常都係幾日行程，基本上你唔去得邊處，要去得多啲地方，只好跟團去，自由行或跟團都可以去旅行社辦理，去沙田連城廣場就勁多旅行社俾你格價，北海道雪祭時間可以參考以下。

http://www.backpackers.com.tw/forum/showthread.php?t=550107