大學揀科啊啊啊l0l好煩please help me!

你既問題好多. 一點一點黎.
1. 你A2係未即係bio + chem + maths? predit會有幾多?

2. Business都有好多飯嫁wo. HRM/Management, Acc. Fin. Marketing. International business果D. 你返HK就返三大, 唔係三大既係UK入間好D既好過. 但三大你知幾難啦. 同埋business而家香港本地已經少左人揀, 太濫太多人, 同埋愈來愈多大firm做商業都唔一定請商科人. 純理/文, 社科已經佔好多大firm請人既一半, 商科人做商界, 但百搭科既可從商, 但本身又有一科專門知識, 儲夠經驗讀MBA好過. 因為business好多知識你無經驗其實只係空談. 就連big 4(四大會計師事務所)都有一半唔係business出身. 但如果你志唔在大firm, 咁細firm既機會一定係商科多既.

3. 食物及營養係得CU, HKU有. 收好高tim, 因為唔憂無野做. 而家D人愈來愈重視飲食健康, 加上人口老化, 又多富貴病慢性病, 營養師有一定既需求

4. 讀完之後點. 其實講真無得唸. 香港既工種本身就小, 根本9成既工係同本科既知識無關, 反而係你係學野既過程develop左既soft skills先重要, 例如research skills, presentation, 分析能力等. 你到時搵工大公司自然有aptitude test比你, 你讀再勁既科, 你過唔到個test一樣無interview. 個test唔係考你知識, 係考你logic, 同埋reasoning既能力. 另外語文能力亦係好重要既一環. 同埋係你既degree honour. honour, uni reputation, 比你讀咩科更重要. 因為根本好多人一夠經驗就上返MBA, undergrad只係入埸卷, 到你真係搵到想做既行業, 讀postgrad去補充返係必須既. 一個degree無可能夠你用一世. 我去見工試過比人問"你有幾多個degree", 而唔係"你有無degree". 面試既人重視既唔係你果科同份工有無關. 而係你有無能力將自己果科同份工link up, 同埋present出黎. 因為大公司根本好多培訓, 就算讀business既都未必識果D野.

5. 做老師, 唔怕同你講, 唔係辛唔辛苦既問題, 係連比你捱既機會都唔知有無. 而家香港既教席係咁cut, 好多讀完教育文憑既都係做teaching assistant only. 同埋, 香港既教師請人好現實, 就係睇公開考試成績. 你無HK公開考試經驗, 好難說服到有人請你. (我姐是教師)

6. design你要花時間做portfolio, 唔係成績好就收. 你有無果個時間, 精力, 心思去做好一份有十幾個作品既portfolio先? 呢樣野唔得幾好成績都無用.

7. 讀咩好. 你鍾意D咩先係最緊要. 大學唔同中學, 係靠自己, 興趣真係唯一既推動力. 上堂時間得果幾粒鍾, 唔係自己研究根本唔可能夠料用. 但你會花心思, 對住電腦, 什至去圖書館坐低一日, 研究一科你討厭既學科咩? 到最後, 你因為無興趣而爛左hon, 你科野幾有前途都好, 個前途都唔係屬於你既. 大學開得果一科, 果一科存在就即係仲有需求, 如果唔係以香港咁現實, 果科無用就一早摺左, UGC一定唔批錢比佢繼續開. 我亦可以好肯定話你聽, 要搵份好工, second-upper hon. 係一個must, 但都唔係話拎就拎.

8. 要你轉返文科, 社科應該唔得啦, 無底其實入到U好難讀. 工程你又無physics.
我睇你都係對純science/關健康事既野有D興趣, 我簡單講下有咩比較易搵工既科.
你自己所講既食物及營養啦.
醫科 (但怒我直言, 都係實際D好-.-)
NURSING(大把野做, 但辛苦)
物理治療 (同上)
教書就要讀純chem/bio, 但教唔到書就真係唔知點, 一係你留係學術界, 讀上去PHD, 留係大學工作
環境科學. grad左可以讀urban planning master, 考牌做城市規劃師. 另外亦有環評公司請人.

你話你art唔得, 咁architecture都未必岩你. surveying可以考慮.
同埋你強始終係bio/chem, 要入maths/stat/精算果D都比較難.

你可以上呢個網:
www.eduplus.com.hk/9
DL換領券去7仔換本書仔睇
今期有個JUPAS特輯
你可以先睇一睇, 了解成件事先
有咩唔明可以再問