應該點樣做先可以買到樓

買樓主要溝通係銀行,反而先搵地產係好易出事,無錯,搵樓要靠佢地,但上唔上到會係由銀行決定.

一般情況,由你想買樓到真正去買樓,基本上需要一年時間,因為你唔係老手,資訊係需要時間消化(趕上車另計),而一年中,樓市總有幾次上落,就係要等市場靜小小果時出手.

用時間先選擇地區,然後研究該區樓盤,留意成交價&量,開始向相熟銀行(例如出糧果間)問清楚你借到幾多,再查詢心儀單位是否估足價(估唔足你就要抬錢去貼夠),如果一切預期之內,就搵律師查清楚想買單位既一切狀況,所有野妥當,就落訂安排完成交易.

買樓唔好怕買唔到,買唔到始終好過買錯,事前要做功課,但唔好愈做愈多,要一路將選擇範圍縮細,畢竟最後你都只係買一間,過份選擇反而會累事.

當買一層九龙區舊樓，閒閒地300萬！


首期要100萬，地產費3萬！

同業主簽左臨時買賣合約，將合約帶去銀行，便有專人侍候！不過300萬，閒閒地要2萬月薪才得！

買新樓最簡單，例如車公廟站新盤，你行出站口就有人行埋嚟搭訕，你同佢講i buy咁佢就會全程同你搞掂，你只要開check簽名就可以。

其實一般樓宇買賣都會先找地產代理，從揀樓至成交他們會全程協助，但須繳付代理佣金約樓價1%，除非妳是買新樓或樓花，就要自行聯絡銀行做按揭，銀行會找律師做合約及厘印，你最好預留律師費及厘印費，大部份銀行新做樓宇按揭都會有優惠如減供樓利息或送裝修費等。

行入銀行問啦, 大把人幫你答