現在買樓收租還合適嗎?

✔ 最佳答案

呢個係按個人財務安排而做既打算,絕對冇一面倒既睇法.

可以咁講,到目前為止,買樓收租係好好,因為樓價同租金都一直向上,而利息又低,但呢個情況係可以相反,樓價跌,租金跌,息口升,於是業主要每月補貼資產.

個問題係,供一層樓係講緊10年20年既事,而目前情況係咪可以一直維持多年,要諗既就係呢點,假設目前環境維持多5年,但5年後樓市走下,會唔會倒輸呢?值博率係關鍵,透過樓按將利潤放大,損失同時亦可以係預計之外,想贏錢前,應該先衡量損失是否可以承擔,換言之,你如果有能力作出支付,係冇問題,正如長實呢2年都密密買地,但我唔可能因為地產商有此行為就盲目跟從,因為大家既財務安排,風險控制係完全唔同.

以本地負擔能力計算,冇可能話樓唔係貴,最緊要係知道貴,所以要執呢舊錢,都唔係輕易.