申請到澳洲工作問題

1. 今年21歲仔,想申請去澳洲工作,想問,當中有d咩程序要搞,同埋需要申請d文件之類既野?
A: 首先要上網申請工作假期簽証 (working holiday visa subclass 417):
http://immi.gov.au/e_visa/working-holiday.htm
(按Start an application框框內的First Working Holiday Visa進入申請版面)
你須要有香港特區或bno護照。並網上需即時用信用卡繳交aud$270的申請費用，記得選擇體檢中心和記得記下申請號碼(TRN)以便之後check progress。收到體檢instruction email後可打電話去佢指定既驗身中心(mk/tst/cwb) 約時間驗身照肺。驗身大約1個星期後會收到confirmation email，發出後一年內任何時間都可以入境澳洲，由入境日子計可以留1年，途中可以無限次入境出境澳洲。最遲出發前一至兩個月好申請，因為仲有買機票個d要準備。買機票最平就jetstar，或可上zuji同priceline網或agent價下格，單程最平大約 hk$2500。

2. 我知道申去澳洲工作,係要去到先至搵工,想問澳州果邊,邊一種工種較多? 做農場好 唔好?
有時真係睇運數，其實最好既方法就係同屋識多d朋友問工頭電話或直接介紹，機會率d。其次就係上網?(career.com.au/gumtree/背包客棧)、睇local newspaper或者周街派resume。working hostel會幫你揾d唔錯既工作(貴租d但值得投資)，或者揾job agent。真係無飯開先好做唐人街 $8/hr既黑工﹗城市工作通常都請都係通常侍應,售貨之類，文職唔請working holiday的。所以背包客多數做農場工，易d揾工之餘白工人工都有$16/hr以上，可以去到澳洲先開始揾工。

3.我想問申請去澳洲工作時係唔係一定要有5000澳元的經濟証明? 而依個證明,係唔係申請時證明定係去到澳洲入境果時先至證明? 如果我係申請時證明我有5000澳元,但係係入境澳洲時,我無甘多錢,甘樣會點?
唔係。從來都無人會check的。如果你working holiday visa之後再申請tourist visa佢地先會check得緊，怕你返去做黑工。

4. 申請去澳洲工作,整個過程大概需要幾多錢同埋幾耐?
兩個星期。我自己帶左aud$3000，我覺得都ok，我識有人帶得$1500，就有d危(但唔一定要過aud$5000)。揾工好講運氣，總之帶多d自己安心d，盡量慳d~ 都可以夠你用1-2個月。留意去之前都會大約用左6k(機票,體檢,保險,物資等)，係未計的。

5.澳洲方面既住宿同埋食費方面貴唔貴? 大約一個月既租金都食費需要幾多?
記定頭兩個星期既住宿，可以的話住sharehouse最平生活環境亦都最好(A$80-120/wk)，揾唔到就唯有住住backpackers先(A$20-28/day多人房,上網book)! 通常合租屋都要email預約同到步要俾押金兩星期。澳洲房租係以一星期為單位，你唔大駛的話，住sharehouse一個星期連市內交通,食大約駛$200 (一個月$800)，前提係你一直stay同一個地方。如果你要移動，就會駛多好多錢。
找sharehouse: 背包客棧/gumtree, 找backpackers: hostelbookers.com


另外同你分享下:
臨出發前記得買保險，如果有做開野既話記得去稅局搞清稅。將所有証書同証件scan入電腦send email俾自己(有用時print返出黎)，執行李，影印定証件, 交代俾屋企(例如卡數,代收信之類。

要帶既野: 一定要帶手提電腦同睡袋!
衣服：冬季保暖衣服,羽絨,一星期份衣服/內衣褲,帽,手套
衛生用品：牙刷牙膏,洗頭水沐浴露(二星期分量),洗面用品,潤膚乳(呢度好乾),衛生棉,防曬手品,蚊怕水/無比滴,毛巾,鏡梳,指甲鉗,鬚刨, 眼鏡
小型電器：手提電腦,手機,相機,電話,mp3,叉電器,可帶風筒,小型飯煲
其他：睡袋,小量洗衣粉/洗潔精/調味料,哂衣繩,雨傘,吹氣枕,太陽眼鏡,摺疊袋,紙巾,藥品,旅行書,日記,筆等等 (可帶大容量SD卡/外置harddisk裝相, 同埋帶D電影劇集)至於帶喼或帶背包+旅行袋就睇你自己需要啦。

記得到步之後有三樣要做:
1. 到銀行辦存款戶口+e-banking+atm卡, 出糧用 (NAB最好)
2. 買電話咭並上網activate (建議用OPTUS, sms網內全免, 可用blue cap plan)
3. 上官網申請稅號TFN, 出糧交稅用
到步起碼兩個星期最好有固定地址, 因為銀行會寄ATM卡同密碼俾你, 而稅號亦都會係兩個星期寄出。