有女士會做跟車嗎??

有，但一般好少請女士，btw跟車送貨E行作為女士我有三點想法︰難為自己、難為拍檔、難為老闆。

難為自己︰
睇得出你有心理準備E行係需要體力搬運上落貨，雖然唔知你年紀同身形，亦都唔係睇小你，但一般運輸D貨唔係重就係件頭大，而且為求快送快收工都唔會送一次貨分幾次上，貨重貨多已經吃力不討好，如果推住D貨遇到送貨嘅路高低不平或者有斜路，出入位置窄或者無啦啦有幾級梯要攬，真係少D力推都唔得... 加上搬得貨一定大汗疊細汗，男嘅做到辛苦打大赤肋經常見，但女士就唔得啦，我自己都係大汗包，大熱天行陣街成頭、成個心口同背脊都出晒汗，連bar都可以濕晒，痴痴粒粒自己都已經唔覺舒服，何況係做足全日上上落落搬貨呢，點頂... /_\ 而且顧住搬貨好少顧自己儀態，件衫鬆D彎下腰都隨時走光... >_<

難為拍檔︰
做得你拍檔都唔知當你男好定女好，無可能完全唔顧你身份囉，輕嘅比你搬下無問題，但到重嘅唔想同你客氣都唔得，唔係怕你唔夠力就係怕你整襯，或者怕你唔夠快，手腳慢阻收工，雖然E家樣樣都講求男女平等，但男女始終有別，有時一齊做嘢要搬上搬落都會high到下對方，怕話係固意，容易引起誤會，又或者開車途中班男嘅吹下水講咗D有味笑話或者黃色嘢，又會怕大家懢尬，如果你哋同事之間關係差，又怕你告佢哋性騷擾，新聞經常都有報ga啦，所以跟車有女士在場，甚至要一齊搬貨，D拍檔好難唔軀緊呢...

難為老闆︰
搬運E行點都要有勞保，對顧主顧員都有保障，但始終係身體力行嘅工作，對比起男士，女士做E行有損傷嘅風險機率會高D，如果只係請你跟車負責跟下單或者負責開車嘅，又對其他同事唔公平，除非人工有差別，唔係嘅話就算有熟人介紹，請你嘅老闆都好為難，講到熟人介紹，如果介紹你嘅係你男友或者你老公，男女朋友嘅老闆又會怕你哋情侶檔，返工顧住拍拖唔做嘢、夫妻檔嘅又會驚你哋夾計蛇王無枉管，除非你老闆就係你男友或者你老公啦，唔係都好難會請女士...

其實大部份跟車工作都會諗起係送貨跟車，但都有D專請女士嘅跟車工作，例如係幼稚園跟車保姆。工作時段一般都係返學同放學時間，計時薪，所以一個月離講唔會搵得太多，多數適合大年紀一D，出離幫補下家計或者打發下時間嘅女士。

雖然唔知你咩原因，但如果你唔想固定一個室內地點工作同對客嘅，咁個工作行頭就會變得好窄，但我都可以比到D工作見意你嘅，你可以嘗試去見餐廳食肆嘅工作，一來飲食行業需求高容易搵到工，二來當樓面之餘都可以負責送外賣，亦都係少有嘅戶外工作同時唔需要對客，而且旺區多商場嘅食肆會多機會出街送外賣，三來餐廳食肆工作時間都會包膳食，如果返工地點近屋企，又可以慳到車錢同飯錢，加上最低工資實行之後我見好多餐廳請人嘅人工都高咗好多，如果你比較大年紀嘅可以考慮普通嘅茶餐廳，如果你比較後生重可以考慮下連鎖店，好似係台式飲品，點心店，日式和食等都好多年輕嘅送外賣，加上連鎖店經營完善出糧準時，有D連鎖店生意額大半個月就結數出一次糧添，出糧出得密都算係一種保障。比較起跟車送貨唔會太辛苦，同可以有膳食慳到人工呢。

其實重有一行雖然唔係戶外工作，但都唔需要對客，你可以嘗試去當女保安員，不過我對E行嘅入職要求唔太熟悉，比唔到D咩意見你... 如果你有車牌嘅可以考慮下租的士揸，戶外工作之餘，都唔算太過需要對客呢。一分耕耘一分收穫嘛~

希望以上嘅個人意見可以幫到你忙，亦都希望你盡快搵到合適嘅工作啦~ ^_^

有, 只是比較少見, 多數都是因為男友或丈夫是單頭車貨車司機, 所以才會找太太女友跟車幫忙協助登記辦單等的跑腿工作.
除非有熟人介紹, 否則多數不考慮女士應徵.