邊度港幣兌換新加坡幣 好d?

基本上, 港幣係外地並不太受歡迎, 兌換率好低, 可以比香港差 20% 的. 因此, 必須係香港兌換新加坡元. 香港機場一定是貴的, 不用考慮.

至於係邊度換錢, 如果你只換不多的數目, 例如 1000 坡紙, 咁每間銀行相差最多只會係 20 - 30 蚊左右, 免得過都費事麻煩, 去返自己有銀行戶口個間換啦, 咁樣唔需要手續費. 如果你有幾間銀行既戶口, 避一避 HSBC, 恆生等大銀行就比較好. 細銀行既 RATE 係好 D 既... 但要注意唔係間間分行都有外幣兌換, 你要去問一問先.

但如果你係中環一帶出沒, 就去百年找換啦. 匯率較便宜, 相對銀行來說, 每換 1000 坡紙可節省近 80 - 100 港幣的... 如果你只換少量, 求其啦, 時間及車錢也是成本的...

我每次去旅行都係銀行度換，係機場兌換率勁低！千祈唔好去機場換錢！！　　　

新加坡同馬來西亞我都去過，新加坡好熱但成日落雨，好難游到水。一定要去新加坡環球影城度玩同睇獅頭魚尾像，去新加坡當然要食喇沙同肉骨茶la！！佢Ｄ肉骨茶好好味！手信方面，一定要買有關獅頭魚尾像既記念品。　　　　　　　　　　　　　　　　　　　　　　　　　　　　　　　

至於馬來西亞，就要睇你去馬來西亞既邊度玩。我上次就係去浮羅交怡度玩，去浮羅交怡有得玩浮潛，你可以戴潛水果個面罩，但係我覺得佢好臭，所以我戴泳鏡，出海時仲會有Ｄ魚仔係度咬你隻腳，真係勁痕！玩浮潛之前會上去隻船度食過午餐，之後就會成日都係隻船度。要記住，午餐真係唔好食太多野！我上次就係因為食得太多野，令到準備去浮潛時肚痛，好辛苦。　　　　　　　　　　　　　　　

除左可以玩浮潛，仲可以出海釣魚，不過只係釣到Ｄ細魚，連示範果個人都只係釣到細魚。每個人釣到既魚都會用尼煲魚湯俾全部團友飲。　　　　　　　　　　　


我覺得浮羅交怡最好玩既就係兩個活動，新加坡最特別既就係去新加坡環球影城度玩同埋睇獅頭魚尾像。　　　　　　　　　　　　　　　　　　　　　　　　　　　　　　　　　

其實馬來西亞同新加坡主要都係去陽光與海灘，如果唔鍾意陽光與海灘既人就會覺得成個行程都好悶！