為何香港會變得如此?

其實原因好簡單,就係問責制失敗,在97前,高官要睇英國大老闆頭,
英國大老闆都要睇英女皇頭,斷唔會亂來....
97後正正就是無皇管,北京在遠權力在近,正所謂沒有政權,哪有錢搵?
他們最叻就係董建華的高官問責制,有問沒責推卸責任,
個個返工等放工,求乜期搵幾皮,坐定定8年就食長糧,看貪曾就知,
工幹出差環遊世界,就算CY上台都係勤洗腦,講大話就可以蒙混過關....
香港經濟當然一潭死水,只得地產霸權炒高樓市乾升,其他民主問題話之你死自求多福,大財團壟斷一切,小市民任由宰割,租金貴到不能正常生存,打工仔沒有向上游的道路,工資追不上通漲....大家都看不到明天,這樣的環境,有咩野辦法唔會生活倒退??

其實呢個唔止係香港問題 係整個世界問題

當前政府施政態度當然有問題

但此作蛹者 也不盡是特區政府

港英年代的人口普查 一早已經預計到當今人口既大勢
但當年的港英政府又有那個長遠計劃 惠及到今時今日?

人人以為港英時代好 但港英時代遺留下的問題又有幾多個清楚
港英時代的取態係有法不執 公務員散漫成性 人為制度本身可以保障公務員不被投訴

兩個例子 公屋富戶並非今時今日先有 核檢制度也非今時今日先有
但公屋一直只用抽檢同定期檢來做 最大不了加一句人手不足 樓價低時趕不走這班富戶 樓價高時還會走嗎? 97後仲連公屋都賣埋比佢地 想騰空單位就只有靠新建

屋村商場以前長期丟空 是因為指定行業累事 申請還要入標 又欠缺透明度
果時我去房署問租務事宜 成個office得一兩個人 態度傲慢 邊會有人租
到97後賣比領滙就變成充份理據 無疑刀有兩面 比左領滙趕絕了小商戶 但唔比佢地d 商場又只會十室九空

港英政府當年的高薪養廉政策 到今日就變成高薪養懶政策 有幾多冗員 係政府做既都知 2萬養一個50歲以上 general clerk 唔係我年齡歧視 係market上有太多選擇 但因為要做良心政府 唔炒得 野又做唔到 咁點啊 請新人囉 跟住就延伸左非功務員合約 由鐵飯碗變膠飯碗 然後一個蓋都蓋不到 再黎外判合約 唔駛比假同福利
由膠碗變紙飯碗

香港由80年代起 經濟起飛 但奈何沒有鼓勵性的移民政策 或 境外投資政策
現今在香港 無論公營同商營機構上位的都是既得利益者 他們有的是錢財和經驗 但隨著全球化同資訊發達 佢地既經驗已經不足為佢地係國際市場上爭雄 那唯有向內地及本土市場埋手 90年代過渡期還好 國內實施開放政策 可以使商家繼續生存 製造業的工人都有時間慢慢轉型 但短短10年國內有開放變成自吸自足 學習了我們的技術和經驗 就開始排斥我們 在許多法例上 政策上都加高了廠商的成本
使得廠商不斷內遷直至倒閉 然後就遺留下一班製造業的技術工人被消化 變成第3類服務業的最低下工種隊伍

然後當一堆70,80,90後出世之時 就會發覺全香港只有第3類服務業 工種只有管理層同勞動層兩種 發奮之餘還要比人優秀很多才有機會上位 努力不如hea做 人工增長慢 但卻是消費群主流 消費亦隨年代文化所影響而快速增長.偖侈品居多...
結果資金還是流入富者手上

曾幾何時政府並唔係無察覺呢d問題 但都因市民福利心態取向 有許多長遠政策都被擱置及吞滅 例如當年8萬5 如果當年搞得成 今時今日唔會有人話唔啱 當年一叫就停 公務員心態有鑊即赦 加上果時同董伯伯唔係好夾 赦得更快更狠 起左唔賣果d就居屋變公屋 未起果d就停 居屋變公屋 就係一種分化社會既行動 公屋富戶買唔起樓 又想住大d 但就被後來者住了原來他們有機會買的居屋 君不見新公屋月租3千內付主人房套廁?這種社會分化 慢慢造就人心要賺到盡既心態 租樓永遠要租最貴 買樓永遠要買最平..結果就變成地產商漁人得利既契機

基本上經濟失利 我唔會全怪於現今政府 因為全世界都唔好 勞工市場被中國佔領係無可口非 在外國一個藍領既最低入收都比我們一個白領高 點會唔失業?
反倒是教育及房屋問題就要怪罪於特區政府 如果通關和高鐵處理得好
24小時通關 已及半小時能到達內地鄰近主要城市 絕對有效助長港人內遷居住 亦有效把財富分散 不會由港地產商獨大 就算他們想發展也要洗一筆可觀投資

教育 朝令寂改 由母語教學 中中 英中 到家陣6年制中學文憑 可以用不知所謂來形容 教本無類 以前無分中英 全部名義上係英 校方因材施教 學生也可選適當語言報考 母語教學後 雷厲風行 又不是國家規範式的母語(普通話) 結果只變成本地特色教學 到後來衍生中中英中又是一種分化 人以群分 打擊學子信心
到專上教育更加是失敗中既失敗 因為承接不到大學的畢業生投入勞動市場(當年失業率大家記憶尤新)就產生了副學士 自資高級文憑 等等商業化的學歷 耗費學子時間金錢就是為了延長市場消化期 結果就為新一代製造經年的債務 及為學府製造無限的收入 6年中學文憑制更將會是這種情況的催化儕 從前交3年的學費 現在交4年 靠借錢交學費的學手 債務再急升25%

經濟不好 如果係全球因素 大家都會同心熬過 但偏偏香港因為這些非外圍因素蠶食我地既財富同資產 香港人怨氣點會唔大 長期得唔到增長就會仇視既得利益著
"點解我學歷高 職位高 日做夜做 人唔做我又做" 都唔及啊邊個叔台司奶買賣物業又唔及丫邊個朋友中五出黎就做左經紀 中層矛盾 在最低工資推出後 更加凸顯
低知識工種人工跟知識型工種人工拉近 但知識型工種的工時往往更長 而某些投機取巧行業低學歷入職卻何短期獲利...好難唔令這些中層人士不懷疑自身價值..
香港現在情況就像一個不斷泵入氫氣的氣球 升得高又快 爆就.

依小弟的愚見：
這個問題其實是很多因素互相牽連、且帶出很多其它問題的。這個問題並非是回歸後才出現，只是自回歸以來，情況變得越來越明顯和嚴重，所以人們才歸究在香港回歸中國這事上！其實情況理應由中國開放改革便開始了…
1, 自中國開放以來(而香港還是殖民地統治時代)，香港大部份工業遷移到內地，令本來依靠工業維生的工人被逼轉行，直接將各行各業的職位、工資等拉低了！而從商的，當然可以以較少的支出來獲取最大的利益。
2, 當香港正式回歸，港府放寬國內的人民來港定居，無論來港的新移民是工作或是居住，對本地人們而論，也不是一件好事，來工作的，令僧多粥少的就業情況就變得更困難；來居住的，又要運用本地的資源來支援他們(如社會福利、住屋等…)。
3, 香港除了被一些被譽為「港英餘孽」的一群擾亂香港的管治之外，人們本身也太不爭氣，老一代的只顧吃老本，新一代的又只顧急功近利，一遇到困難就變得冇哂符！

**以上只純屬個人見解，是非請個人自行判斷。

市民無辜受罪
1997------2012
皆因民主黨派
反政府所施政

2012-08-14 01:02:53 補充：
An Ben Cai Ding Er Fa Gui Hu Ju Ke Li Mou Nian Ou Pai Qu Ruo Shi Ta Wei Xian Yue Zhang 23