城巴機巴改善

A10
本身兜華富已經非常耐，仲要兜埋摩星嶺同堅尼地城，真係癡媽根。架車行黎行去都仲係港島，所以係冇乜南區人搭A10。
本人建議不應途經摩星嶺、堅尼地城，改經山道天橋，直入西隧，最少快20分鐘，以搶回南區客。

A11
係大坑道天橋後既燈位經常性suck車，況且此線尚未途經銅鑼灣、灣仔各大酒店，唔通叫D遊客搭E11咩。
本人建議不應途經大坑道天橋前往告是打道，改經軒尼詩道，於杜老誌道轉入告是打道，或可考慮於菲林明道天橋轉入港灣道，再係分域碼頭街天橋轉翻入夏愨道；翻港島就改經龍匯道、港灣道、菲林明道天橋、軒尼詩道。

A12
由於本線站數過多，以致行車時間耐，所以本人建議應行走民康街天橋以代替糖水道天橋，中環各站亦應取消，因A11及E11足以應付；翻港島就應該停信德、交易廣場/怡和，及取消演藝學院同入境大樓，離開東廊亦應於民康街天橋。

E11
呢條線都OK，途經軒尼詩道、中上環。

N11
翻港島既時候應該係大坑道天橋轉入銅鑼灣市中心或係波詩富街轉入軒尼詩道。

A21
呢條線都OK，途經彌敦道、大角咀。

E21、E21A
大角咀理應只有少量客源(因A21快將駛入公路)，而長沙灣路一帶亦有E21A輔助，所以係路線重疊。
本人建議應該將兩線合併，成為新既E21(何文田<--->機場博覽館)，再加強服務。

E21X
呢條線都OK，途經東chung，直達尖沙咀。

N21、N21A
如果真係想服務東chung居民，就應該整個通霄都行走N21A。如果只有一條線就命名為N21。

A22
呢條線都OK，途經土瓜灣、左敦。

E22、E22P、E22X
E22條線就OK，但係唔端端整多E22X做乜?想特快既話咪抽幾班E22做特別班次lor。既然E22P同E22X都係油塘開出，禁淨係要一架咪得lor。
總結係本人建議只有E22、E22P，並係繁時抽幾班E22做特快班次，禁就可以解決路線重疊既問題。

E23
有少少同A22爭客錦樣，本人建議首先參考現時既N23兜暈成個慈雲山，然後改經太子道西或亞皆老街，再轉入西九龍走廊、青葵公路。

A29
呢條線既站數少左D，唔兜晒成個將軍澳，本人建議應繞經成個將軍澳(包括寶林、坑口、將軍澳、調景嶺)，不停龍翔道，繞經長青村、青衣西路、青衣北。

E22A、E22S
兩線都OK，繞經整個將軍澳，途經觀塘、龍翔道。不過由於兩線則以將軍澳作為起點、終點，所以本人建議應將兩線分別命名為E29、E29S

N23、N26、N29
三線既服務時間都未夠全面，往機場既只有大約0300-0500有服務，而返回九龍既更加只有約0030有服務。
因此本人建議將三線合併，由調景嶺開出，途經將軍澳(寶邑路、昭信路、寶寧路、寶林北路)、寶林路、秀茂平、黃大仙、龍翔道，命名為N29。此線主要沿用N26、N29之路線，不過車隊就使用N23、N26、N29之用車，並將服務時間增強為0030-0500，30分鐘一班。

S1
呢條線都幾好，冇意見

S52、S52P
先淨講S52，路線冇問題，不過班次好混亂，搞禁多22分鐘18分鐘，倒不如全部一律20分鐘，而服務時間為左容易記就0530-2330同0600-2400，20分鐘一班，OK。
至於S52P，路線同S52雷同，可以話係S52既輔助線，既然錦點解唔索性將果段時間S52班次加密至10分鐘一班，等市民冇禁混亂，又可以方便去維修區。

S56
本人建議應由新碼頭開出，之後就依照現時既2站至12站，然後停博覽館、海天碼頭、飛機燃料庫、咉灣園一期、咉灣園二期、藍天海岸、海灣堤畔、新碼頭。總結:不停東chung市

N56(新增)
本人建議有一條專線來往東chung同機場，路線與以上及現時S56相近。由東chung站開出，後沿用以上S56，最後由新碼頭返回東chung站。0030-0500每30分鐘一班