求解夢,不停夢境成真...15點..幫我答下...好恐怖

係咁ge...今日發左個夢:我無啦啦行左去一條大街,見到有個男人呆呆咁夢住大街個2條屍,一個係佢老婆,一個係佢個女,我就有d驚嚇,走左前去問個男人做咩呆望個2條屍,佢就話:「個個係我老婆,今日同佢有d爭執,佢又一向有精神病,無諗到因為d爭執問題搞到佢攬住個女跳落樓,我想去挽救佢已經有d遲...」

跟住佢就比人帶走左,個夢都完左。
然後我夢醒啦,就起身開電腦如常睇下新聞...無諗過會見到yahoo即時新聞個到,有篇野係同我個夢係好似樣,都係講個精神病呀媽,但個現實新聞係呀媽扔個女落街而唔係2個一齊跳....但都一樣係男人好後悔....超似樣的....

如果話湊巧姐,但係我幾個月前都係有個夢係夢境成真....我到呢家都好記得,發左3粒鍾ge短夢,嚇到醒左....
係話有日唔知點解我係一間好暗既大屋到(類似係拜神個一類,紅紅地燈光..所以我好清楚睇到佢d動作)...就夢到有個冷血男人係大廳到肢解幾個女人既屍體..隔離係廁所....我嚇到呆左咁睇住個男人既動作...羅把刀去"介"開條屍體...跟住我鳴左聲,見到個男人冷冷咁望左我一眼,我就嚇到醒左....

跟住我隔左1個星期左右....又見到一篇新聞好似個夢....話深圳有間大既空屋發現有人肢解左既屍體藏左係入面....發現係女人既屍體黎.....睇間屋係好類似夢境入面間屋黎...都係成真左...

我想問下....點解我不停發到ge兇夢都係咁成真ge....係唔係真係咁岩得咁橋???定係d兇夢想同我暗示d咩....??唔該搵人幫我解答下丫..真係好恐怖..係咁見到新聞到有好類似自己既夢,內容又差唔多似樣...真係好驚嚇..