✔ 最佳答案
其實爽膚水同收縮水係一樣,只係個名唔同,仲有人會叫化妝水,其實都係一樣。
收縮水或爽膚水都係最好配合洗面產品一齊用,效果會係最好。
missha既收縮水好唔好用我就唔知,我建議你用以下幾種爽膚水同化妝水,果幾種都適合任何皮膚既膚質,仲唔係好貴,果幾種既爽膚水同化妝水分別係:
Garnier--AQUA DEFENSE水潤凝萃保濕爽膚水 $59/150ml
IsQueen--RICE 純米排毒保濕潔膚水 $89/160ml
AquaLabel--MOIST 導入式保濕化妝水(超級倍潤型)$128/200ml
以上幾種爽膚水同化妝水係一D護膚品店應該有得賣,你睇下邊隻岩你!
至於你話想白D,可以試下去Body Shop買沖涼磨砂,有好多隻味既,之後再買深層磨砂,又係有好多隻味既! 入面D人可以美白同去左D唔知咩死皮,但係入面D野都幾貴,我見好多人買野都買左千幾蚊!如果你唔想用咁多錢去買既話,可以試下<酸奶敷臉> ,只要用化妝棉浸泡酸奶,然後貼係臉上10-15分鐘即可,好work架!
Mask我覺得amway的保濕mask好用,一支$166,佢唔係太貴又好用,我好鍾意。Avene 出的水份mask叫 Instant Soothing Moisture mask 50ml $ 220 都好用,連續用幾日,明顯皮膚好保濕。
洗面奶我覺得雪完美果隻洗面奶幾好用,幾廿蚊je!洗完之後,塊面唔會好乾,保持有水份。sk2既洗面奶都好,但係勁貴!!LANEIGE泡沫型洗面奶都ok!佢138蚊,但只適合中性至乾性膚質。
希望幫到你!!