麻煩既感情問題

問題比較長,唔好意思
我同女朋友一齊左成年(同居中),一直都好好
直到係三個月前因為我同佢成日嘈交,所以我係酒吧識到第二個
開始既時候無諗過會發生d咩事,之後我同女朋友日日嘈
所以我地一齊左,仲發生左關係,開頭我已經同佢講左我有女朋友
果陣佢話比時間我,一齊左兩三個星期左右,件事比我女朋友知道左
我決定同佢分手,同返我女朋友一齊,我女朋友都原諒左我
之後我其實同佢仲有聯絡(係朋友果種),係我同佢分手之後既幾日
佢同左我一個同事一齊,因為我知道我個同事唔係好人(因為我同事親口同我講佢只係玩玩下,呃蝦條)
果陣我諗左好耐應唔應該同佢講,最後我同左佢講,兩日後我問佢點諗
佢同我講:我信佢(仲叫我唔好再講佢壞話),果陣我真係心死左,決定唔再理佢
因為你要死我唔比你死呀
之後我辭左職,我有一個星期無搵佢
呢幾日佢有時都會搵我(whats app)佢有時會講d曖昧既說話
早幾日佢生日同我講:好煩,唔想佢男朋友陪佢,我問佢想點,佢就話想走
直到前日佢凌晨5點左右whats app同我講分左手
話係知道佢男朋友出面溝女,我就同佢講算啦,都唔關你事
金日佢又whats app,問我識唔識一個公司既人
我同佢講我唔識,佢就話:仲想咩咩 tim
我話:你想同人一齊??佢話:咩呀
我問極佢咩咩即係咩意思佢又唔講
我最後就同佢講:如果你係想既就試下囉,呢個我唔識,我比唔到意見你
之後佢就無再覆我
希望大家可以比D意見我,我真係想知佢想點,想知佢係唔係一個水性楊花既人
我唔想佢受傷害(我始終都係好內疚)但我一定唔會離開我女朋友囉!!!!!
大家想了解件事,有問題可以再問我架