有關大廈維修完工日期事宜

其實唔太明白你既描述.

首先個棚係屬於大廈工程,如果你要用,係需要得到法團同意,而個棚本身包括保險,亦需要得到保險公司同意.

你話要買4千萬第三者保險,我就覺得係好大問題,問題在於有邊間保險公司肯承擔呢個金額,或者你根本就買唔到,跟住就工都開唔到.

而要求建築公司賠償,更加莫名其妙,佢地唔接你生意,你打算告佢地咩野呢?

2012-08-07 13:38:37 補充：
其實就咁,如果我係你,我係唔會理建築公司,照換窗(用佢個棚或自行再搭個棚),通常黎講,佢地又唔會點理你(又咁講,你要我告你,不如你告我勒),但我就唔清楚成件事你地係點交涉,實際上我冇方案可以比你.

咁你應該搵法團幫手,因為實際上黎講,你換窗根本就好小事,可能用1,2日已經起貨,冇咩理由話你會阻住佢地做野,但有時候就係咁,大家一去到咬文嚼字既情況,就咩都係唔得.

2012-08-07 13:38:43 補充：
假如你真係要索償,你就要有實質證據,例如佢影響你入伙,攪到要租樓住諸如此類既實際損失,然後就去小額攪,不過我都唔認為呢個係重點,大佬,都係想攪好間屋入伙姐.

註:你試下去買呢份4千萬保險,如果根本係買唔到,你反問佢做咩要你咁買,或者要求佢提供理據去作出以上建議.另外係,假設你私人搵承辦商換窗,又係咪每個業主都要買4千萬保險,一般又係買幾多呢?

你屋企換鋁窗關大廈維修拆唔拆棚咩事？大廈維修遲咗起貨，應該係由立案法團同佢傾駛唔駛賠償，亦要睇當初合約有冇寫明遲咗起貨駛唔駛賠償？
工程公司工程延遲，導致你換唔到鋁窗，咁你咪打電話俾鋁窗公司或鋁窗師傅，叫佢改期囉！
再加上佢哋工程延遲導致你換唔到鋁窗而告他們，我估你一定告唔入！除非維修合約寫明因工程延誤而要賠償，咁工程公司就要賠錢俾法團，而唔係你！

2012-08-13 18:36:48 補充：
如果好似上面嗰人咁講，因為阻遲咗你裝修工程，咁你咪唔好換鋁窗，改為換窗鉸同開關手掣，甚至換套窗，咁咪唔駛搭棚囉！維修或換套窗，價錢仲比起你換鋁窗平添！