同男朋友的一d問題

其實我覺得姐弟戀都冇咩,而且你地都係差1年,
唔講可能唔知添,
另外,係依個世界錢可以買到好多野,
但一定買唔到感情,
感情係唔可以用錢去計,
搵幾錢個月,你多d定佢多d有咩所謂,
最緊要係你地係相愛,
如果你想佢忘記你d ex,
咁你就唔好成日提著,
要多d讚佢好,
同佢講多d你ge需要,等佢知道佢能夠令你幸福,
如果你成日覺得你襯唔起佢,咁就會成真,
所以你想改變,咁點解唔試下去自我增值,報d課程讀下
如果佢問解,你就答佢想自己襯得起佢(可以唔覺意咁講)
等佢知你對依段感情係認真,
btw,兩個人係一齊,就好似著左對鞋咁,
有人會認為好,又有人會認為唔好,
但真正ge好與唔好,只有著鞋ge人先知,
如果下下在意其他人點睇,
咁個個都好難有好結果,
無論係你襯唔起佢,定係佢襯唔起你,
咁根本冇關係,
無人係公主,王子,
你同佢都係普通人,只要兩個人係相愛,
咁就只有對方先係最襯自己ge人
仲有,考紀律部隊唔係一件簡單ge事,
如果你只係為左襯佢先考,
我覺得咁冇意思,你自己又唔係鐘意,
咁委屈自己而放棄依定ge工,
又唔見得有襯佢多d,
有好多同職ge夫妻都因為工作而嗌交添

你站在佢的角度想想,就明白佢的心情,
你真心希望長久下去,
就要給人真誠.信心


記著兩個人的事,就是二人世界的事,
無論周邊有多少指指點點,
關他們何事?
你需要全世界的認同才可以活著嗎?
還有如要一切喜好,絶對相襯的話,
相信不知要等到天荒地老可否?

同男朋友的一d問題

很多時候，人都會被自己的想法所侷限
這時，你應該要用新的角度去思考
這樣問題才能解決

因為很多問題起因
都是因為不了解自己所產生

推薦你這個東方玄學的免費算命網站

網址:http://www.tellyou88.com

可以免費算：紫微斗數、姓名學、易經占卜

可以了解你的問題
並且得到解答

誠心的推薦給你 !!

你口裏自命成熟，其實真係好幼稚。

請唔好介意我咁直接...

唔講你那些些諗法如何錯誤，不如從另一角度幫你建立你自己的思維和跟他的關係...

你見到他的職業和人工/甚至福利和前途都將會比你好...咁就更加要攬住這個人啦...仲要在他未超越你之前使他感到你是值得由他來照顧你......用你的計算法(雖然錯得很的)-你五六年後都係2萬人工的小職員-他已經考上沙展4-5萬-到時他對自己才有信心可以照顧個女仔你有冇給他機會想想為何不會選擇另一個人-還是你是最好的(為甚麼他想照顧的是你)...點會諗自己襯他唔起。

但如果你不斷表現出你要追上他的收入(或地位)-在他眼中他只會看見你是個想要找一個更有錢的人才配得上你，但你也要知他的職位和人工也有max的階段，你的表現便會令你們增添跟「愛對方」無關係的因素-到時出現的問題都是你/他自找(製造)而成的。還是好好以讓他養你的心態使他覺得自己重要，才是你的幸福。

另外你要求襯上他而想考紀律部隊這想法亦是超低b，你以為個個警察都係拍拖更-好浪漫咁。你如果成為他的同類，你在他的同事面前還有甚麼特別呢？他的女友(或老婆)還有甚麼新意跟他分享...無論做事/工餘都是一樣的。「襯」不等於同一薪金和服裝，男女的襯係凹和凸。如果兩個都係口(四方型)和口(四方型)，即係他(你都一樣)有另外三邊可以跟另一個口(四方型)襯啦(任有三個可能性添(唔知你有冇發覺身邊的人全都是差不多的口(四方型))。唔好咁蠢諗法，你要做的是發掘他的凸型，想辦法修正自己的凹型，使他可以實際地感到和做到只有你的那種凹型才使他的凸型發揮最好功能，他和妳才會好樂於互相為大家做到最好，才會一齊啦。

仲話自己廿幾歲拍過好多次拖... 好似好有經驗咁...有冇以上咁樣諗過你對自己和對男人的想法可能係好錯呢？他擔心是因為你的情史令他覺得你善變(可能現實只是你每次都為了襯對方而失去你自己)...你卻看不出他的專一(心態)和從你的情史中看到真正的你(太傻了)，但你卻仍不做自己而嘗試去襯他...唉！

直言不諱，希望能做你路上的同行者...

都唔明點解一定要同對方既薪金做比較，你份糧高過佢果時對方都會自卑，何況你系女仔？薪金高低？學歷高低？永遠唔系問題，你覺得份工薪金低可以轉工穩份人工高福利好既，你覺得學歷低，親佢唔起可以去進修。你覺得自己outgoing可以多d睇時尚雜誌留意下時下流行d咩，從而轉style。真唔得啦！你米同佢傾下，坦白自己既心事，只要互相坦白。咩問題都可以唔系問題。不斷幫自己既感情穩籍口先系最錯。

唔知點解睇完你post 覺得真係怪...

你要問心你係咪真係愛佢, 定係一時興起?? 我見你講你而家賺2.2一個月 佢1.6一個月 通通都係講錢..?

邊個賺得多 同襯唔襯 好似完全無關係WO 而家咩年代啦@_@

2個人拍拖 邊有人可以保正一定長長久久 , 我唔係話你地唔得, 但得唔得都唔可能短時間睇得到既,有D人拍N年都係分手,都無咩好出奇,有D人結婚又離都係咁啦~.~ 只要係一齊既時候,真心真意,就無虧於心啦,真心真意係可以感受到既

然後你話佢細你一年,其實而家好多都係咁架,唔洗太計較呢D事啦

至於你話想考紀律部隊...我就認為你要認真諗清楚啦,你都唔係對果份工有熱誠,只係想同佢既關係拉近,咁就完全唔OK啦,除非你真係覺得自己會喜歡果份工啦

2012-08-06 00:58:57 補充：
最後你話佢對你地既關係,唔係太有信心,你應該要多D同佢傾下,你地各方面既野,睇下係咪真係適合嚕,你比佢有經驗,佢當然會冇咁大安全感啦,佢會怕自己留唔住你呀嘛