後生情侶小煩惱.

我是男生.同女朋友一齊左一年半.
間唔中都有d嘈交.上個月我去左外國讀書.
(估到我邊個既人唔好督爆.我好唔開心先發問)

前日佢話下個月會同表姐跟教會朋友去船P.
我同佢講我唔想佢去.佢話可以唔去.
但後尾佢又話一定會去.
我同佢嘈交.嘈到又話分手又話剩.
佢知道佢去我會好唔開心.
但係佢話就算分手就算我死.佢都一定會去.

初初嘈係因為我冇信心.驚佢走光.個道又多男仔.
佢有向我承諾會保護自己.又話表姐會睇住佢.
但我仍然唔想.可能覺得自己在外國更難控制.

後來我唔開心.唔再因為以上原因.
我肯去明白佢鍾意玩水上活動.我信任佢.
我唔開心係因為.佢可以為左一個船P活動.
願意放棄我.唔理我會唔開心.真係好HURT佢同我講個D說話.

我唔知應該點做.後來我個口話比佢去.但心入面好唔想佢去.我說服唔到自己.
不過佢話:你好煩.你點樣諗.我都會去.係一定去!
我心入面好矛盾.一方面嬲佢可以咁對我.另一方面又好愛佢唔想分手.

到底我因為咁樣唔開心.有冇問題?
還是佢都有問題?我應該點解決呢D問題?

我有心補救.有心同佢耐.感謝大家解答.