如何才能忘記...她？

我是男的 正就讀中學
近排俾啲事所煩擾,
望大家能幫幫我
先説説我同佢嘅關係。。
我哋係今年先識ge..(佢成積好我好多)
係班裏面相處咗成個學年都冇話有點樣熟絡過,
所以可以算係"零溝通"
但係有時我都覺得好似對佢有少少好感...
有一次(接近放暑假)我約咗啲fd出黎挽(3個人), 咁岩佢又話得閒, 所以就約埋佢。
嗰日大部件時間都係同佢不斷談心,
所以，我對佢嘅認知多咗，變到勁friend (曖昧關係)
係學校，好多時間都一齊散步，甚至令其他人都懷疑我哋係咪拍拖。
最後一日返學日，佢約咗我放學去食lunch同行街。
就係呢一次, 令我知道咗佢之前嘅一件"情事"，以致佢依家不想, 亦不能拍拖。但係我睇得出，佢都對我有少少好感...
就係因為咁，我考慮咗好耐，也肯定了對佢嘅愛意。(真心中意佢 ><)
但係為咗避免影響到佢, ，亦唔想自己咁辛苦，惟一辦法就係令佢忘記我，而自己，都要忘記佢。所以，我同佢斷絕咗聯絡，將同佢有關嘅野，全部清除。
有一段時間, 我以為依個方法真係成功咗，但係近幾日，嗰種又掛住佢，又痛苦嘅感覺又浮現返出黎...
到底點先好.. .. ...
同佢講清楚，令自己可以好過啲...?
定係用第二啲方法...再次覆蓋...?