同一個騙過我既尼日利亞人騙徒做網友>20分!!!!

我係yahoo拍賣書..
其中一個賣家用英文問我幾錢同埋可以係邊到面交，仲叫我add佢yahoo Address然後用E-mail傾，我諗，問得我係邊面交應該係本地人而唔會係騙徒，所以我就Add左佢。

part one:
一開始我冇戒心，係佢要求下，我比左個bank name,account no.同銀行既姓名比佢,後來我收到一個銀行寄黎既e-mail話確認左佢既轉賬，我即刻上網search果個銀行名，好好彩比我search原來一切都係一個騙局，很多很多人遇到既情況同我都係一模一樣。而佢就係傳說中行騙無數既尼日利亞騙徒。

Part two:

之後我send左封e-mail佢，睇下佢玩咩花樣，內容係話我之前比佢既果個戶口係我姐姐，但我姐姐唔係香港，所以我冇密碼check唔到佢有冇匯到錢比我，我要求佢匯多次錢到我個新戶口,我先肯寄野比佢，最後佢話OK，催我快D寄。我又send多封E-mail佢，內容係問佢銀行係咪唔會退返$比佢，如果係，我願意比返筆錢佢作為我既歉意。佢就開始唔耐煩，又叫我快D寄。
最後我e-mail佢同佢講我已經知他想騙我，我唔會上當，同埋我已經報左警。又用左少少粗口鬧佢「點解有手有腳唔去搵工，四處騙人錢，你所做既一切都係上帝眼內，你一定會受到懲罰既。人地用血汗賺既錢比你騙左，對佢地好唔公平。叫佢設身處地，諗下受害者感受!」我仲勸佢唔好再咁做，如果肯改，上帝一定會寬恕同祝福佢。

Part three:
我冇諗過佢會回我，甚至會當我發up風!但佢回復左我，話我身處香港咁幸福既地方，根本唔會明白佢地既苦怳，如果我真係咁有興趣想知，就係yahoo online到講比我知。於是我開左個新yahoo account同佢開始talk。佢一問始就同我講sorry，佢話唔想咁做，只係佢個國家太無能，政府幫唔到D人民，佢想揾工都揾唔到，成家人等住佢照顧，又要交學費，好多人每日因飢餓而死亡。佢今年23歲，又話自己已經係大學2年級生，只要過多2年，完成大學學位，就有一線生機，可以用正路方法搵$$$，同離開國家。我聽到真係有D感動，鼓勵佢好好努力，佢一定可以完成佢個夢想，做返個好人。



我唔知其他人點諗，在我立場，朋友可以冇分貴賤同國際，佢做緊D犯法野，我唔認同佢咁做，更加幫唔到佢脫離苦海，我只能祝福佢，同佢做網上朋友，但諗諗下又覺得好矛盾，諗到佢騙人錢，香港可能又多一個人受害，心好唔舒服，覺得佢有D危險，唔知佢而家講既野係唔係真，可能只係想哄我落答，呃我做犯法野同錢。

佢問我比facebook佢，請問大家有咩意見可以提點下我，我OK想同佢做下網友，但又驚佢係設緊個局呃我。
如果我比左facebook佢，唔知有冇危險呢?