煲湯用既瘦肉同炒菜既瘦肉一樣嗎?

你一定無去過街市買餸,豬肉其實分好多部分,有d適合蒸,有d適合炒,有d適合煲湯,就萛瘦肉都分幾種,睇每個人唔同要求來買呀!
先講一般瘦肉,煲完湯比較硬,炒完菜比較鞋,無咁好食,不過價錢平d,而且有時只要d湯好飲,唔食湯渣萛啦!
想又淋又滑炒菜好食d就要買柳梅(梅頭),煲湯就買豬展啦,價錢貴dd,
排骨又分好多種,煲老火湯買排骨頭啦,近脊骨比較粗壯大舊d,蒸排骨想滑d用腩排啦,不過有少少肥,最好貴妃排價錢貴d,但淋d又唔肥!
豬小排即係距離脊骨遠d的肋骨,包括晒肉排,骨排,腩排咯!

如果你唔識買,跟本唔使理咁多野,去到街市豬肉檔,睇下邊檔無咁迫人,仲要睇睇邊個豬肉佬靚仔d,好樣d,就同佢講出你的要求,佢自然會介紹啦!
"阿哥,邊隻肉片炒菜花淋滑d呀?買15蚊啦!"
"阿哥,鼓汁蒸排骨,邊隻啱呀?買20蚊啦!"

點解要睇下豬肉佬個樣先呢?
因為d人脾氣唔好一定樣衰,如果佢生意忙碌,一係唔理你,一係隨便俾你!

柳枚(脊肉)和梅頭(上肩肉)是不同部位.

2012-08-03 20:10:20 補充：
炒用水展肉會較好食,柳枚(豬柳)太林沒有口感,平D梅頭瘦肉都可以.