我阿媽真係好煩!

我想講呢...你前部份講的嘢我阿媽完完全全地都係咁，又係成日為咗小小嘢就發脾氣，又係嬲的理由好無理，佢依幾日又係嬲(可以嬲足幾日仲要我都唔係幾知佢嬲乜)，我都覺得超煩就頂唔順，不過我有個個人認為幾好的方法比你參考下：

聽你咁講多數事件都係你阿媽先無理取鬧，自己搵D嘢嚟激嬲自己架啦，如果果件事真係完全唔係你錯你忍唔到就咩聲都唔好出走入自己間房關門做自己嘢，等到過咗成日大家雙方冷靜咗就可以當無發生過(不過如果你諗住噝間房閉關成日就記得事前帶D乾糧入去)，如果你間房有電腦或者果D電子產品(我唔知啦因為我無智能果D嘢，例如如果你間房有電話呀iPhone呀iPad呀果D)咁就仲好，可以上網(去D社交網站)或打電話搵朋友訴苦(如果噝唔阻住人哋同你唔介意比朋友知少少家事的情況下)，因為經過我有N次的經驗之後知道當你同朋友(或者親戚)講哂出嚟就會發現自己冷靜咗理智返個人斬會舒服D。

如果果件事你呀媽真係做得超級勁爆過份(即係例如你所講的成日批評你D FD)你真係超級勁爆頂唔順忍無可忍咁款果隻而你又已經十幾歲人讀緊中學有能力自己出街(睇你應該係架啦)，我就建議你連房都唔洗直程執嘢出去行下，以我的經驗依個真係好好的方法，因為可以分散你的注意力好快...真係好快...你的怒氣怒火就會降溫，最好又係上面講果D，如果噝唔阻住人哋同你唔介意比朋友知少少家事的情況下，搵埋你D朋友或住得近的親戚出嚟陪你當一齊行街咁行，或者直程可以上埋佢哋屋企玩下hea下，咁就可以(都係果句)分散你的注意力同埋向佢哋訴哂D苦出嚟感覺係好唔同，我阿媽依幾日嬲我都係咁做(我讀緊新高中有自己出去的能力)，前日仲出咗去成日夜晚成十點先返(我好少出街同埋好少咁夜返)，唔洗驚你阿媽會做D咩即係擔心你呀果D，因為阿媽(十個有九個斬係咁)嬲的時候心態就係最好你唔好返嚟(當無生過果D呢)，同埋佢知你一定會返嚟，咁你緊係寧願出去耐D唔洗兩個噝屋企面阻阻啦係咪先。

好啦當你搞完上面一大輪嘢，如果果件事真係完全唔係你錯你阿媽自己無啦啦噝度發神經，我自己個人一向的做法就係仍然無視我阿媽，佢繼續唔講嘢我就唔出聲，佢同我講返嘢我咪講返嘢囉(不過我都唔想同佢講咁多嘢)，因為我覺得件事根本係佢無理取鬧你先同佢講返嘢就好似你認錯認輸咁，但係始終每個人做法都唔同你可以學我咁做亦可以用自己的方法去面對返你呀媽。

不過講咗咁多點都要噝阿媽們的角度講返D好說話嘅，其實無論阿媽點無理取鬧點乞人憎都係你呀媽，佢哋通常只係唔想我哋噝佢哋嬲的時候博「咀」姐，佢哋會覺得目無尊長無大無細我哋咪唔好博成全佢哋囉(雙方吵架的源頭往往就係因為我哋博咀架姐)，佢哋唔著緊我哋就唔會鬧啦，只係佢哋淨係識惡識嬲唔識用其他方法去表達唁知我哋諗咩無噝我哋的角度出發架姐(簡單D嚟講即係有代溝)，只要你知道唔止你阿媽好多阿媽都係咁架啦。

以上純屬我個人的愚見予你參考，希望我這個過來人的意見真係真係可以對你有幫助咁啦(我真係打咗好耐同打得好辛苦架)！！

2012-08-02 11:15:51 補充：
我成日打咗個「斬」字但其實係個「都」字唔好意思喔

2012-08-02 11:18:50 補充：
「唁知」應該係「唔知」才對唔好意思喔

個個呀媽都係咁架啦~~

聽你咁講,你媽媽既情緒都大起伏咁,
但係我諗你媽媽都唔係想成日發脾氣既,
你都知道其實發脾氣都唔係一件舒服既事,
可能佢都有佢既原因同難處,
先至咁容易控制唔到自己既情緒。

不過我都見到佢既情緒咁樣發洩落你身上,
你都唔好受,好似做咩都唔岩咁,
而且咁樣既話繼續落去既話,
你地既關係可能會繼續惡化...

其實, 你媽媽知唔知道你既感受呀???
或者你可以將你既感受同觀察,
係大家都好冷靜既情況之下話佢知。

如果你想深入傾多d既話, 可以add我呀!!!
希望我都可以俾到d支持你啦! =)

FB/ MSN: [email protected]

我到一樣，出小句聲ok ga

人生短短數十載，有緣才能成父母，天下那有父母不愛兒！凡事退一步，成功進十步！珍惜擁有相聚的時光！

呢個唔係你老母既問題, 而係老母既問題. 大多數做老母既, 都有或多或少相同既問題, 只係程度既分別, 或者係某一方面既唔同.

推而廣之, 係女人呢種動物既問題, 係一個巧普遍既問題.

頂唔順, 唔使頂架 ~ 咪啋佢咪得囉. 再有咁既情況, 反佢枱, 直接同佢講你既感受. 佢當然會巧 hurt, 覺得俾人出賣之類, 所有老母既同一反應. 唔想炒大鑊既, 盡量心平氣和, 當同朋友吹水咁. 當然, 佢反應多數氣一哭二鬧三上吊, 到最尾都仲要你氹番佢, 之類. 當你明白, 有朝一日, 你都會係咁, 或者, 會感覺巧少少...

凡是少說聲，煩惱出不來。
我媽也是一樣，但由佢地，如果你講多佢就嘈多
我教你，每次佢一嘈，你可以微笑望住佢，那我相信她會明白～