點令自已多野講D?

呢度好多朋友都講最緊要係你自己有信心,唔怕羞,咁都啱,如果人地同你打招呼,你淨識得"哦!"或者"hi!"咁一聲,之後就垂低頭無野講,咁真係幾尷尬喎!
你果次的尷尬經驗其實都不完全是你的問題,如果對方好識講野的話,佢都可以搵d話題同你聊幾句的呀!

你希望自己隨時都有d野可以同人閒聊幾句,就要自己準備一d可以隨時應用的話題至得,如果無心理準備,突然間有時都會唔知講乜好!
其實大部分人都係習慣記住幾句啱用的語句,一般應酬都係隨口講出來就得,當然啦,你自己都要對自己有信心d,咪咁怕羞先!

希望自己唔怕羞,首先要學識主動d,唔理大家熟唔熟都好,遇見都點頭笑笑.如果希望大家可以閒聊幾句,就隨便提出一d簡單日常生活問題,等對方好容易回答,咁大家就會有野傾啦!

如果你真係唔知講乜好? 呢度就給你幾句例句用住先啦!
早上見到----,
"hi ! 咁早落街去邊呀?"
"我落去m記食野喎,你食左野未?"
"我在家食左早餐咯,你搭乜野車(返工)返學呀?"

回家遇到----
"乜咁啱見到你呀,你都住呢度咩?我住xx樓,你住幾樓呀?"
"今日真係好鬼熱呀,你知唔知今日幾多度呀?"
"成33度咁鬼熱,好似又打風咁喎!你知唔知又有乜野颱風來緊咁呀?"

原則上就係先講少少自己d野,再問人地少少野,等大家有得對話就ok!
其實日常生活有咁多野,你總之留意d,能夠活學活用就掂啦!

唔洗驚架=)比D自信自己,勇敢D!!
搵多D共同GE話題,如果真係無野講GE話,
都可以問下佢地有D咩興趣,或者中意D咩明星之類的,
好快傾得埋OR傾熟架炸,朋友都係慢慢傾到熟先會變好朋友xd

Hello!
聽落你好擔心你少野講會影響你的生活同社交，感覺上你都好注重人地點樣睇你
其實我都經歷過你宜家既階段，諗番轉頭呢種清況都好正常
個陣，我甚至唔會HI人，同埋會扮見唔到人
你已經好好架喇，唔需要太緊張同擔心既;)
如果想令自己多D野講，你可以試下多D練習對鏡說話，增加自己講野既自信
咁樣會令你更容易同人講野傾計;)
同埋，心態決定一切，相信你有心去做好呢樣野，你就有能力做得到!
加油! 我會支持你的!!!
MSN: [email protected] 再傾丫;)

比自信自己,吾駛刻意,做番眞我,但believe yourself!!

如何令自己講多喲野?

最緊要比多喲信心自己

你唔鍾意同人講野係因為怕羞?驚講錯野?唔知講咩好?

搵出自己點解唔鍾意同人講野

對症下藥 咁就可以了

同人溝通 最緊要有膽 乜都講一餐 不過唔好講錯野

咁人地就會覺得你好有自信心 不過係就係直接左喲 不過唔太緊要

同一喲陌生既人講野 總有少許怕羞 因為唔知佢既性格係點

可能我講錯野就會比佢笑 總係唔知人地心諗緊乜

其實想同陌生人講野都係比自信心自己 唔洗怕人笑

人睇你你睇人 佢都會驚你會笑佢

咁你同佢講幾分鍾 咁你對佢講野個戎心就冇了

咁你可以盡情地講

咁當然 開始講野個陣總會有可能講錯野

唔緊要的 你講返岩佢就可以

唔洗理人地點睇你 就算陌生既人都係一樣

你要主動喲同人講野 比信心自己

係心入面諗 自己係得既......

咁你係咁講係咁講 同一喲陌生人係咁講 咁你以後就唔怕架啦

你始終都要面對同一喲陌生人講野架 例如一喲人問路咁樣 都要講

咁你搵到自己點解唔鍾意同人講野

咁你以後咪可以大膽喲 盡情喲同人講野

唔洗驚 你係得既

多d同人地溝通,勇敢去面對!
就OK!

我以前因為屋企既事都影響自己性格 一直冇辦法去同人地溝通
但係後來識左好多朋友 成日出黎玩之後 反覺咁安靜唔係辦法
於是我一直話比自己聽 要講多D野 好動D
其實你將唔熟既/唔鍾意既 係傾計既過程中變做你中意既/熟既朋友
主動去搵多D話題 當朋友之前閒聊 慢慢你就會多野講D

其實你可以主動D、勇敢D，就得啦!!