帶妄想症病人睇醫生

我老豆係8,9年前已經冇工作 (被炒魷)
當時住我屋企樓上果個男人成日噴殺蟲水
我都唔知點解樓上要咁做
果陣我好細個 但我的確經常聞到殺蟲水味
之後我一家人頂唔順 最後搬走左 應該係2004年
搬到新屋 我老豆又成日話樓上噴d野落黎 好臭
我果時細個 驚俾呀爸鬧 所以佢問我聞唔聞到 我都會say yes
跟住又搬 又話(新屋)樓上噴野 想毒死佢
我同呀媽都聞唔到 但我老豆脾氣暴躁 每次佢問聞唔聞到
我地都say yes 之後我老豆就唔單止聞到「毒氣」
仲話樓上將d漒水溝稀噴落黎 搞到佢眼又痛 喉嚨又損哂...

佢又話要搬 但佢次次要搬果時都撞正樓價低
我地一家人就愈搬愈衰 新樓搬舊樓 大屋搬細屋
問題冇解決過 我老豆都係成日話樓上想我地家破人亡
又成日對住window (樓上) 講粗口 勁大聲 搞到成日有police上黎

到09-10年 (已經搬左n次屋) 我真係頂唔順
佢自己買d化學野返黎亂咁溝 噴去樓上/坑渠 真係超臭
我呀媽叫佢睇醫生啦 佢就發哂脾氣 勁大聲用粗口鬧我呀媽
話佢幫外人 係咪夾埋樓上一齊想佢死
我冇用 剩係識匿入房喊 我老豆仲買左個喇叭
每晚係到讀:「樓上xxxxx」(話樓上點樣想佢死)

之後 我呀媽有一日發現聯名戶口果200幾萬無哂 (俾老豆拎哂!!)
我老豆竟然冇d內疚 話買哂股票 (到今日已經輸哂 冇哂錢)
又成日話我呀媽累到佢咁 成日買埋d cheap樓
(如果唔係佢話俾人搞到就黎死 洗乜搬!?)
佢竟然鬧我呀媽!!! 話我呀媽搞到佢冇好生活過

我呀媽 一份人工養3個人 辛辛苦苦儲果d錢已經俾個賤人洗光哂
個賤人到今年,2012年,每一日夜晚都去噴樓上樓下
佢食足咁多年軟飯 仲講到自己好慘 話自己俾人整到就黎死
我check過 佢應該係患左妄想症 我出世到呢家已經搬左13次屋!!
我真係受夠 好想離開呢個屋企 我真係好憎返屋企
咁多年黎 每一晚我都過得唔開心...成日喊 :'(

1. 請問點樣可以令我老豆睇醫生？
(我呀媽一叫佢睇醫生 佢就發哂脾氣 有時仲話大不了斬死樓上一齊死 雖然無行動)

2. 請問點樣令我老豆有返少少罪惡感？起碼唔好鬧我呀媽累到佢咁

＊我老豆可以「好有邏輯」咁講哂樓上想毒死佢既動機, 用咩方法毒死佢
例如: 樓上佢晚晚剩係噴d毒氣落我個房架咋 唔會噴到你地架 你地緊係聞唔到啦」
我地當然會話: 咁樓上點知你住邊個房？
佢會話:「佢一個人住 緊係知啦」
(我地試過住有細路人家既樓下 佢話d bb衫係扮野)
(我地試過住頂樓 佢話樓下整d毒野上黎)
我屋企已經冇經濟能力再搬啦 呢間屋既樓上搬走左 佢話樓下搞佢
姐係咩都佢講哂！

其實佢每一日睇下電視 買下菜 食下橙 跑下步 訓下教...
個個月有家用收 佢仲話好慘 就黎死
點解佢一d都唔內疚既? 男人黎架wor!

~~我呢篇野冇乜結構 亂78糟 多謝你地睇哂佢 請回答！Thanks so much~~