我係咪有強逼症?

如上.
我想知自己係咪有強逼症.我嘅徵狀如下:
1.成日會檢查手機有冇熄到 明知自己已經熄左機都係會檢查多次 甚至重新開機再熄返.
2.成日會有啲唔吉利嘅念頭 例如成日會諗會吾會有意外發生 沖涼嗰陣會擔心有嘢由窗外飛入嚟 但我已經鎖好窗 又或者會擔心屋企人自己出街會有意外 喺屋企嗰陣會擔心屋外有人想入嚟傷害我同屋企人
3.有咬指甲嘅習慣 好細個(三,四歲嗰陣)已經有,而家十四歲,一直改吾到
4.有時會幻想意外發生 例如見到把菜刀會幻想自己隻手俾菜刀切斷 甚至有衝動切斷自己隻手 見到火會想伸隻手入去
5.唔知幾時開始坐飛機會有少少緊張 驚會發生意外 好想快啲落機
6.出門口嗰陣明明鎖好門 都要入返屋睇下有冇嘢未熄 瞓覺之前明明熄左電視同燈 都要檢查多次
7.紮頭髮嗰陣好介意個頭整吾整齊 一見到吾整齊/有頭髮凸起/自己覺得紮得唔好就一定要紮到滿意為止
8.見到啲車嘅車牌會自動用一個數字去除車牌嗰幾個數目字
9.做功課嗰陣啲字吾靚/吾整齊/斷墨就一定會塗過再寫返 有時會塗到好厚
10.拎嘢食嗰陣有時會規定自己拎某一個數目嘅嘢食