拍拖,拍得好辛苦呀?但我好愛佢..係時候要放手?

大家好..希望你地會認真睇落去,幫我下!我唔知可以點做;"(

我係女仔,我對男朋友會好直接,好坦白!因為我唔想收收埋埋,想比佢知道!
男朋友大我5年!同男朋友都拍左有1年半
其實問題係1年前已經有...我真係好辛苦,好辛苦...
近半年,問題仲愈來愈多...

岩岩開始既時候..大家緊係好好啦!因為熱戀期.不過只係維持左5個月到..
佢好好嫁...以前佢會等我放學,差唔多日日尼接我..有時又會送我返屋企
仲會買定D食物...比我食,比我飲!
仲會特登買張人仔卡同我SD 信息,因為大家都唔同台!
仲會比驚喜我,雖然唔係多!但我已經覺得好開心..
當我唔開心既時候,雖然我男朋友唔識得用把口尼哄我..仲好主動!
但之後佢會SD 好長,好多字既信息比我,哄我,支持我!
我地仲晚晚都傾一傾電話先訓,
而我,就會日日做佢既鬧鐘,叫佢返學.返工!!
總之,我就感受到佢對我既愛...!
開始有問題出現時候,都同佢傾過,佢果時話會改...!叫我比時間佢!
之後佢話,自己有去改...但我真係感受唔到!

唔知係咪日子耐左...佢對我,開始冷淡,仲少講左,''我愛你'',我掛住你''!
不過,我都覺得唔緊要,因為行動係最實際表現出!
但好可惜,佢愈來愈懶...佢會打比我,但打尼係,好似交功課咁,報到,好敷衍我!
打電話話尼就講幾講就要收線.又話,有野做,又話頭痛,又話要柯屎,,
總知好多借口....!但佢又一時時...不過而家就愈來愈多...
一時對我熱,一時對我冷!好辛苦呀!仲成日攪到我喊/_\!
我有拎個問題出尼傾,但係佢又唔想傾咁,佢應我,又應得敷衍
我話:我想大家傾下,我想去改善,我唔想成日都咁樣呀!
我辛苦既同時,你又會辛苦...!
佢只會應我:係啦.知道啦!對唔住囉!
次次都係咁.佢成日唔想面對咁!咁可以點樣去傾?!
我認,我之前係話過佢,傷害左佢!因為我直接...我都知道自己咁樣唔岩!
所以,我因為佢,我去改,佢話過.唔中意我喊,我就唔比佢知道我喊!
我覺得自己因為佢,我改變左好多野...我既底線,一次又一次咁降底!
佢話有野做.我就唔阻佢...咁我就等佢搵我!變左我而家成日去等佢..
佢以為自己講左''對唔住''...就可以當咩事都冇發生過咁..
但係我唔得...!我都係女仔,我都需要人哄.需要人鍚...佢而家就好似愛你不理咁!

我曾經主動去改善我地既關係...提出一d活動!主動約佢...
但最後佢就好似冇左回事咁...!佢仲話過:到時先算啦
我真係好心淡,我乜都做哂主動...但佢都無動於終咁...
我對佢好細心,佢有作病既時候,我會買定藥比佢食!因為佢份人唔會買!
但係..一次又一次咁換黎失望,同難過!佢比我既感覺得,有冇我都得咁!
我係有感覺嫁:( 我都唔想煩到佢...但我真係好想決解
有一次.同佢傾,佢返話我;你可唔可以正常返一日?
我只想佢多關心我,緊張我,哄我鍚我,比多d時間去陪下我,用心感受下我!
我真係就尼支持唔住啦!每次吵架....佢話頭痛,佢話唔想傾,我都算.
佢話聽日先再傾,次次都係咁講...!到頭來..又係咁!
我仲似男朋友..多過佢似...!
我主動左好耐,我真係好累了!
攪到冇哂自我....!

係咪真係要放手?!尼個人係咪已經唔值得我去愛,去珍惜...?!