Jupas Main Rd 冇offer, 點算?

Main round no offer好搵定後路, 因為main round放棄學位的人不多, second round派幾多睇main round幾多人放棄學位, 有些大學可能會以non-jupas後補學位.

快d執定所需文件(如高考成績單、會考證書、身分證、證件相、成績表)正副本及錢(交報名費及搭車用)去各大院校報名啦! 不過, 而家比起AL放榜會選擇少好多. 有D學校放JUPAS前已經截止收生, 就算而加仲收生, 之前已經放OFFER及叫學生交留位費, 所餘學位未必多, 甚至熱門學系收夠人, 而加收既可能要求會較高.

現在好上各HD/ASSO/自資Degree院校留意報名資訊, 去之前打電話問下有無剩餘學位, 做好planning報邊間及準備好面試. 不過, 如果你走HD/ASSO條路, 你就一定要有目標係要讀得好, 因為hd/asso升資助學位係好難. 成績差既讀self-finance/top-up, 學費貴及認受性不一. 出去做野人工未必高. 唔好以為Degree點都係degree, 一定好過hd/asso. Degree都係認受性不一, 自資更貴, 讀埋認受性差學校浪費金錢及時間. 今時今日大學生唔保證可以搵到好人工, 有些人一畢業10k人工都無. 仲有係心態, 如果你係諗住hea多幾年, 你呢幾年唔會有太大得著, 不如早d出去打工更好.

2012-07-30 07:43:05 補充：
Asso無年齡限制, 下年幾時開始報就唔清楚, 但相信HKDSE放榜左右時間. 下年用AL報既可能當其他學歷處理申請.

你可以試下重考a　level，用non　jupas報２０１３的degree課程的year　２。

建議你上去ive 網頁睇吓, 可能仲有位，咁考慮報讀實用性的課程, 為將來工作準備。

不如試下去國內升學啦。明年考一個港澳台聯招既考試，如果成績達到要求就可以升國內既大學既啦。內容係比較貼近AL程度，你今年如果比心機去讀，都唔係無機會架。

你今年可以先讀坊間一D預備班，了解下個考試內容，充分預備一下，明年考好個考試，國內一D一流大學你都會有機會入到。到其時畢業就真係一個大學生。

如果你讀文憑或者副學位，要升TOPUP DEGREE都唔係易事，屆時又要再爭過?!好慘啫。

了解下自己最終既目標係咩野，揀條岩自己行既路啦。

祝好運！

你宜家先開始話想搵學校真係好遲WO...
你搵過SPACE/HKCC/CCCU 既ASSO都冇位咩? 不過果D ASSO 冇去讀未必係壞事...
ASSO係比兩種人讀既:
1) 上年冇出力讀書而非常肯定自己有能力既(唔係自以為是果種)
2) 成績好好但只差中/英文合格
一般人去讀幾乎箭屍底, 除非想HEA多兩年, 只攞ASSO 學位就算。

重有一點你宜家可能feel唔到, 如果到時真係讀完asso入唔到u, 咁你就冇左10萬或者欠政府10萬而只係得個asso學位...一d都唔值得...

我間學校有個diploma可以直升澳州排名十大既大學, 你可以考慮下, 果度唔駛好似讀asso咁爭到pk, 學費又唔貴過讀完asso再升u, 認受性仲好過ou樹仁嶺南教院, 佢一定會TEST下你既英文水平先決定收唔收

黎緊仲有升學講座, 係太子, 可以去聽下, 最好帶埋屋企人去, 唔知有幾多位, 可以試試jupas 放左榜先決定報唔報, 但係知多個出路多個選擇, 放榜前人都安心d

如果想知多D可以email我, 最好留電話whatsapp, 呢排好少時間玩電腦... [email protected]

間U既WEB SITE: http://www.utas.edu.au/