哨牙箍牙問題!!10點

普通牙醫唔同矯型牙科醫生

普通牙醫只可俾意見你, 唔可以同人箍牙.

要箍牙一定要去矯型牙醫, 如果你真係想箍牙, 直接去搵矯型牙醫, 先做檢查, 然後矯型牙醫會俾提議及報價俾你... 你約時間時, 最好問定檢查費用, 因為要做x ray照清楚你整個牙床及牙骨等位置及狀況

箍牙可以只箍上面, 不過上下牙應該要配合, 要視乎你整個口腔及牙床狀況, 呢樣就係矯型牙醫可以給你的專業意見. 不過通常都要上下牙一齊箍, 何況你話你的下顎牙齒都唔齊添! 你唔好以為箍一樣會平一半, 唔好慳呢啲, 上下牙會合唔埋架!

一般箍牙要30000至40000, 隱形牙箍要貴1-2萬. 呢個已經係幾年前既價錢, 內箍更貴double, 而且需要時間要多一倍. 不過通常可以分期付款, 呢個要問番牙醫.