旅行喼選購

就以一般 7 日的旅行來說, 一個 25 - 27 吋的旅行喼已經好夠用了...

買旅行喼, 首先我會考慮的是重量. 輕身的喼代表我可以帶多些物件, 而且又不會太重而難以搬運. 現在市面上有一些輕身的旅行喼, 以上呎吋的只是 3 - 4 公斤而已, 比起傳統的輕一半的.

另外考慮的是價錢. 喼是買來比人掟的. 100 蚊同 1000 蚊都一樣比人掟來掟去, 所以個人認為冇需要花太多金錢買一些什麼設計新穎, 印花可愛的喼, 畢竟冇人會讚你 "嘩, 你個喼同你對鞋好襯呀 !!"

買喼必須注意的是, 扣位及拉鍊位是否堅固, 如果你一眼已經覺得佢 "流流地", 咁就無謂了... 因為幾平都好, 都要用錢買... 買返一個輕身, 容易打理, 堅固的旅行喼, 基本上佢可以用上十幾廿年... 我屋企 d 喼, 只係幾百蚊貨仔, 但全部過 10 歲...

個人的習慣係等百貨公司大減價先去買, 如此, 500 - 600 蚊已經可以買到一個輕身, 容易打理, 堅固的旅行軟喼... 硬喼... 除左型同靚之外, 冇咩好處...