曾經番過一間補習社個幾月
其間都做得頗唔愉快，同時亦認清老師真係吃力不討好
但in case將來會食呢行飯，我想請教一下各位前輩心得
間補習社冇獨立班房，幾張長枱擺響同一個大約90尺既房入面
導師們每人負責一張
除左近收檔時間人會比較少，由放學一刻起就長期有25人UP迫響間房仔入面
ps.長枱如果迫少少可以一邊坐三個小朋友，學生由幼稚園到中三都有
情況非常混亂
如果班細路係聽教既都冇野，斃在大部份都happy hour咁既情緒響度"做功課"
我想請問，關於補習社：
１－課餘托管、功課輔導班都咁混亂，迫到好似年宵咁？
２－大部份參與呢種輔導班既學生都係"問題學生"？
關於面對學生既對策（假設對象學生為幼稚園至小三）：
１－學生坐低之後就開始入定，擺埋枝筆落佢手都冇反應，可以點做？
２－學生咩都話唔識，叫佢郁手就「咁我係唔識嘛，你寫畀我抄or你教我啦！」。就算教，佢都因為神遊太虛而聽左=冇聽，教既過程繼續望向彼方。我係咪應該當我份糧係包埋代做功課？
３－承上題，如果唔應該幫佢做功課，又該如何策解呢？
（學生supposed係留兩粒鐘左右，入定呢幾位有本事留五粒鐘以上而仲要留好多野番屋企做。）
４－外籍小朋友。唔係我racist，但事實佢地學習態度更差，或者佢地甚至冇意識到係學習緊or唔慣香港填鴨式。有學生佢媽好有心，買左本中文補充過佢做。結果個細路每次只講「teacher, help me!!」。frequency約一條一次。苦口婆心同佢解釋要靠自己做佢會反彈一句「but I don't know how to do!!」。
事實係佢土生土長，亦曉講中文。姑且當佢真係唔曉睇，呢類煩＿可以點應付？
５－如何應付串咀、製造噪音、冇禮貌、唔做野既學生？有位幼稚園生，自恃自己係名校，睇唔起老師、同學。
６－畀學生問私人問題or佢不停撩我閒話家常，我應該(A)笑而不語，(B)怒目相向，(C)冷眼無視，(D)
補習社有自己獎罰規矩，但都係d細"ai"野……準時走到可以拎粒糖仔咁，但佢地完全唔會話為左粒糖而收儉。希望大家可以分享一下獎勵以外既strategy。
就算向老細求救，佢只會彈句「加油令佢地做野」畀我
真心求救，多謝各位。歡迎大家討論&分享秘訣～
（題外話，名校師資固然好，但幼稚園、小學就去所謂名校可能適得其反。未曉用自己腦就畀人shape左做一個個勢利、現實、虛偽既冷血偽君子，何苦。）
[20分]功課輔導班導師難做，想請教心各位教學心得
2012-07-24 3:45 am
回答 (3)
2012-07-24 5:17 am
✔ 最佳答案
我想請問，關於補習社：1:::睇邊間啦!!!不過好多都走法律'拿'...佢地想收多幾個搵多d錢咪將d學生逼埋同一間房囉~如果佢係入面再有間房就仲衰...入面逼過出面(見得人ge位),,等突擊檢查都睇唔到佢"入面收埋"果d!!!
2:::"問題學生"呢個字眼呢~定義就個個唔同...通常黎得補習ge都係唔多叻唔識自己做功課or懶到出汁果隻...但當中都會夾左一d""讀寫障礙"",,""過度活躍症"",,""自閉""or""情緒問題""ge小朋友,,我之前做過ge果間就係如果情況唔嚴重而又聽教聽話就無問題,,如果係鬧又唔做哄又唔做ge就會"踢出校",,以後都唔洗番~~~
((家長心態就係唔理個小朋友係咩問題,,總之成績唔好就推去補習社,,當正補習社係黃大仙咁!!!你估真係有求必應咩???@@))
關於面對學生既對策（假設對象學生為幼稚園至小三）：
1:::你要不停咁話佢催佢好快d做,,如果唔係留堂...or開條件,,e.g.最快做完功課ge就有d獎勵咁...or罰企,,直至佢完成一份功課先準坐低~
2:::你教緊佢果陣如果佢係呆滯眼神果陣,,你就問佢有無聽,,如果佢答有你就反問番佢你岩岩講左d咩,,佢答得出你就讚下佢有留心聽,,佢答唔出你就要話佢,,e.g.:::你話唔識,,我教你你又唔聽,,咁你想點?就算我幫到你做功課都幫唔到你考試!!!。。。跟住你講完一次之後就要佢係你隔離試做一題...唔識都要試,,試到真係唔識先準問!!!
((代做功課呢樣野...最好唔好啦!!!你寫個答案出黎,,問番佢知唔知呢個咩字,,點解要用呢個做答案,,佢答唔出ge你就要逐個講解...如果你無解釋就大穫,,分分鐘個小朋友番到屋企就同呀媽講係老師比答案我抄!!!咁就死得!!!家長實投訴你!!!))
３－承上題，如果唔應該幫佢做功課，又該如何策解呢？
佢有本事留咁耐就比佢留,,d小朋友好有原則又持住自己有家長背後撐腰!!!話唔做就唔做...呢個時候都係用番上面個方法啦...一路解一路叫佢自己試...閱讀理解的話就叫佢搵番文章有無類似ge句子//字,,嘗試估下答案,,如果係作句,,通常都係老師諗一樣野,,叫佢試下形容一下接埋下一句,,
e.g.:::例句:::白雲(像)綿花糖
咁我就會講彩虹,,之後問小朋友覺得彩虹似咩,,叫佢自己試下諗,,如果佢答出黎合理ge就ok,,佢唔識寫果個字就寫比佢咁...
抄寫功課就最簡單,,事先警告佢地::::"如果寫得唔靚我全部擦曬重新寫過!!!你想寫一次係靚ge定係想係咁求其寫之後又比我擦曬佢再寫???"事先兇佢就會乖乖寫(特別係幼稚園至小二)
４－外籍小朋友。
這個...如果係我老闆,,我老闆會叫佢請私人補習啦~點教點哄點講都唔肯自己做ge...無得救...如果佢家長同意,,可以用罰ge方法...
５－如何應付串咀、製造噪音、冇禮貌、唔做野既學生？有位幼稚園生，自恃自己係名校，睇唔起老師、同學。
咁其實首先你做果間補習社要訂左d規則先,,例如係唔準頂撞老師,,係課室要保持安靜等等...如果犯左以上ge規則就罰企十分鐘。
讀幼稚園已經咁串...大個都唔方好得去邊...比你幾叻都無用...衰在乞人憎!!!呢樣野係講家教,,老師根本無責任同義務去教個小朋友點樣做人,,老師ge角色只係教小朋友知識//幫佢地解決功課上ge問題...所以少理家事...
６－畀學生問私人問題or佢不停撩我閒話家常，我應該(A)笑而不語，(B)怒目相向，(C)冷眼無視，(D)
簡單!!!只需回一句:::""你黎呢到係做功課同溫習!!!唔係做訪問!!!""
唔好笑,,cool少少就得架啦!!!要比佢地知道你係認真唔係同佢地玩!!!而你又唔需要令佢地覺得你嬲!!!唔回答又好無禮貌...
題外話
如果用"開條件"方法得唔得呢???例如:::個小朋友好鍾意瞓覺就開條件,,做完一半功課可以瞓五分鐘咁...
不過都睇人而定...如果間補習社一早有set rules就唔洗咁頭痛...
如果係完全放手比你決定就可以自己訂rules啦!!!"開條件"呢樣野,,我就試過係work,,有個成日都話攰想瞓,,如果佢進度ok ge就就比佢瞓完五分鐘先再做,,但要佢親口答應瞓完五分鐘要起身做,,如果唔係下次唔比瞓,,咁佢都ok,,瞓完五分鐘去洗個面再做,,但睇情況啦~
.
都係果句啦!!!家教呢樣野你改變唔到,,你理都只會話你多事...做番自己本分就得啦... 雖然我都好討厭呢d自大ge人...但都唔可以向佢地開火...錯唔完全係小朋友身上...最錯係家長...最有問題都係家長...而家成個社會都係咁...變唔到...好難想像富三代會係點...富二代已經如此糟蹋!!!富三代仲得了???頭痛!!!
參考: 做過補習
2012-08-04 2:12 am
北角有間教育中心叫卓培教室幾好, 老師又固定又教得好, 好多名校學生都去補, 你可以打電話60809031查詢
2012-07-25 10:43 pm
楊國駒先生(Mr. Yeung Kwok Kui) 與 歐陽秀儀(Miss Au Yeung Sau Yee)女士育有一名女兒楊諾。
他們專門以轉讓補習社方式， 騙取對方付款，然後繼續私自收取家長學費和拖欠員工薪金及其他費用。
男子楊國駒先生(Mr. Yeung Kwok Kui) 被追討多筆款項， 現與楊兆海經營一間 青蘋果教育中心 GREEN APPLE EDUCATION CENTRE( 商業登記號碼 53391696 - 000 )。 該補習學校為於 九龍深水步深旺道富昌商場地下29號舖， 教育局牌照編號: 576425 / 0001。
該名男士所欠之款項包括拖欠之薪金、強積金、租金及其他借貸。 而其中亦有數名債權人到勞工處報案， 而其餘人士亦正循民事法律途徑向欠債人追討。
另外, 妻子歐陽秀儀(Miss Au Yeung Sau Yee)女士曾藉經營補習學校欠下多筆債項， 亦已遭人法庭入稟追討。
敬請各位有意從事補習教育的人士小心為上!
他們專門以轉讓補習社方式， 騙取對方付款，然後繼續私自收取家長學費和拖欠員工薪金及其他費用。
男子楊國駒先生(Mr. Yeung Kwok Kui) 被追討多筆款項， 現與楊兆海經營一間 青蘋果教育中心 GREEN APPLE EDUCATION CENTRE( 商業登記號碼 53391696 - 000 )。 該補習學校為於 九龍深水步深旺道富昌商場地下29號舖， 教育局牌照編號: 576425 / 0001。
該名男士所欠之款項包括拖欠之薪金、強積金、租金及其他借貸。 而其中亦有數名債權人到勞工處報案， 而其餘人士亦正循民事法律途徑向欠債人追討。
另外, 妻子歐陽秀儀(Miss Au Yeung Sau Yee)女士曾藉經營補習學校欠下多筆債項， 亦已遭人法庭入稟追討。
敬請各位有意從事補習教育的人士小心為上!
收錄日期: 2021-04-12 11:21:52
原文連結 [永久失效]:
https://hk.answers.yahoo.com/question/index?qid=20120723000051KK00714