父母關係....令我好迷茫...請有心人抽時間回覆一下

家家有本難稔的經, 我屋企亦唔例外. 有時見到人地一家開開心心, 星期日又FAMILY DAY, 真係好羨慕, 係超級超級超級超級超級超級羨慕, 我明白好多野唔可以強求, 唔係個個人天生都事事順利, 但我見到父母D關係咁樣, 好唔開心.

我唔知道, 我父母之間仲有無愛既存在.我之所以咁樣講, 係因為佢地生活上種種行為....

先分享小小野.

1)我爸性格可能傳統D, 又大男人, 對個世界又睇得現實,又因為工作上既野, 令佢產生好多自卑感. 仲有就係, 佢好多時活係自己世界. 佢經常唔係屋企(因為工作), 成日係電話/ 返屋企既時候就會講D有骨既說話, 例如: 呀媽返工時間日日唔同, 佢又會覺得呀媽出去玩唔係返工. 放工遲左少少返屋企, 又會覺得佢唔係返工.(相信大家都明白我既意思) 總而言之就係唔相信, 又覺得佢有第2個. 其實我媽真係100%好媽媽好妻子, 唔理點樣都好, 呀媽都會幫呀爸, 我唔可以講係D咩事, 但係一D幫到自己都差唔多咩都無哂咁樣.

而以我對呀爸既了解, 佢係視之為誤樂, 其實佢係知道呀媽無第2個, 係咪一種病? 定係D咩事? 唔知道... 總之呀媽絕對絕對絕對絕對無可能有第2個.

我媽都好堅強, 每當聽到依D野佢唔會喊, 只係會深呼吸, 為自己講說話. 就算有時聽到D暗示既說話, 都扮唔知道, 過左就算.

2) 有好多時睇電視, 都會睇到D愛情既片段. 特別一到情侶吵架, 講I LOVE YOU, 無左佢唔得個D既時候, 我呀爸就會講( 好無聊/加埋依D咁既野係套電影到好哂時間/ 個女朋友唔搵你咪分手囉/ 分手有咩好喊呀 ETC...) 所以我都唔知我呀爸識唔識咩係愛情

3) 佢地見到大家都唔會傾計, 其實主因都係呀爸成日咁樣對呀媽所以咁樣....有時呀爸無話喇, 但呀媽聽到佢講野都唔想應(因為嬲) 所以就一出口都應到---> 咪XXX囉! (依種)
之後我爸又會話, --都相處唔到既 ETC......其實佢都唔知依D係邊個造成!

上邊依3件事就係其中一D.... 要講哂真係無可能...不過第1件事前幾日我總算同呀爸傾左(都變成幾大件事= =), 會唔會改就真係要睇定D..
我地一年都無3日FAMILY DAY, 又無咩多餘錢出街(講到尾都係因為我老豆) , 呀媽DAY OFF 係屋企都唔會出街成日都話好無聊( 聽到都心酸, 咁都仲可以話呀媽!!)

其實我想問, 佢地兩個到底係點? (我都知我無咩可能理得到, 但係又好想有人答下我, 開解下我, 始終依D野都唔會同朋友講哂)

我依家真係好難想像佢兩個退休之後會係點, 而家情況睇黎無可能會兩個一齊出下街,
開開心心過晚年個D.....唉......我真係好登呀媽心酸
前幾日同老弄豆傾, 佢都聽完好似唔明咁, 但總算依2日都無再話呀媽

>>我講到好亂 SORRY

多謝您願意花時間睇我依一大段野....
GOD BLESS YOU

請好心人留言後會回頭睇下我既回覆/ EMAIL >< 感激不盡, 我真係好迷茫