不敢愛，好難去愛！(10分)

以下故事全用化名，仲有故事會有啲長！

其實我喺英國讀書成七年啦(呢個係前情: http://hk.knowledge.yahoo.com/question/question?qid=7009011002275)，而家十八歲，但係卻變得連愛一個人都唔敢愛。我成績一向中上，我素來人緣唔差，同老師同學嘅關係都好好，起碼唔會點得罪人。不過我終於發現好嘅嘢終係會好快變質㗎！

呢件事由三年前開始，之前提及喺host family嘅女仔叫做Gemma，而佢有個細佬叫Damian，同埋佢個阿媽叫Lari。Lari成50歲啦，離過婚，佢喺我入黎前幾個月識咗個男朋友叫Santo。我承認Damian係曳同小器，但係冇嗰個惡毒嘅Santo喺度推波助瀾，成件事都唔者變咁，因為佢喺Lari仔女心目中地位未定，所以就扮哂好人，滿口仁義道德！我同Gemma好好傾，喺Gemma搵到以前都冇嘅安全感，亦都第一次搵到愛嘅感覺，所以我諗就算唔可以喺一齊都可以做朋友嘅。但係天意弄人Damian同Santo居然好憎我，仲要不斷去留難我。佢地對我唔好都算，Damian仲要恃住我同佢同屋住喺同學面前不停咁搬弄是非，話我非禮Gemma，同埋成日喺Gemma面前講我中傷我，慢慢Gemma都開始討厭我。之後Lari居然相信我加害Damian，嗰陣時我爭啲就俾佢趕走，佢可能知道一啲內情先至繼續收留我，但係Lari冇選擇去話俾佢屋企人知，包括Gemma。Santo仲要踩多腳，仲威脅我如果我仲鍾意Gemma嘅話，佢都會趕走我。我真係好想離開呢個咁恐怖嘅host family，但係我當時屋企冇辦法俾我搬，屋企人只可以叫我忍，我知道真係無計可施。所以當時我連最絕嘅方法都要用埋，就係同Gemma絕交，仲要故意對佢好衰，令Santo真係相信我唔再愛Gemma，同埋我呃我自己好憎佢！我以為我同Gemma就會告一段落，因為佢去咗好遠嘅地方升大學，而我都要升高中。其實呢件事要到最近幾個月先至完！

升咗高中，我轉咗第二間學校，我好快適應同識到好多新朋友，亦都識另一個女仔叫Idy，我當時對佢一見鍾情，真係估唔到，佢啲談吐，甚至氣質都好似Gemma。但係我最後發現呢啲全部都係我嘅錯覺，全因為我太掛念Gemma。之後Gemma佢放週末，佢返咗黎屋企，但係嗰陣時我仲同佢不和。其實我好想同佢做返朋友，所以我只可以詐病，哩喺房度喊。亦都令我一心一意去愛Idy。不過Idy就真係好衰，佢俾假電話號碼我，仲不斷約我，但係原來最後發現所有野都係假嘅！

後來我再冇同Idy來往，我又認識咗個女仔叫Cara，我同佢好傾得埋，後來我仲將我同Gemma同Idy嘅事講俾佢聽，佢覺得其實我係太掛住Gemma先會咁。Cara不斷鼓勵我去同Gemma和好，慢慢我真係同Gemma佢和好，但係已經冇咗嗰種愛嘅感覺啦！因為我發現Cara比Gemma更溫柔更細心，不過Cara親口承認佢係Bisexual。我而家就升大學啦，估唔到Cara將會同我讀同一間大學，但係佢要過一年Gap Year。而我都離開咗個host family啦！

我真係唔知點算好，因為我之前嘅經歷加上見到咁多離離合合，我都唔敢勇敢地去再愛一個人！