我係咪有咩問題呀...

我之前因貪心有左案底...所以遲左之前份工(怕俾發現會俾人話厄公司)(但其實係入職後先發生) 但擔心有麻煩, 所以遲左職,之後停左差唔多大半年,冇做野,因為好多工都唔請有案底既人,我都冇信心搵工....

咁其實我從細都係比較內向既人,唔識點同人溝通,又唔係好識得講野(唔擅長),咁而家我又搵到工啦,係PART TIME 店務員 , 份工好簡單既,而且好得閒,返5-6小時一日,但實在太得閒, 同一個時1只有2個人係鋪頭...當冇客果陣,就好似罰企咁 ,2個人排排企,而我又唔識得點樣搵話題同佢傾計,已經返左3日啦,頭2日都仲有少少野可以講,但第3日已經諗唔出話題,呢份工我想做落去,雖然錢唔多

咁我就係想問下嚕,我到底要點樣同人相處先係好呢? 就好似今日咁,果個同事,一味叫我做呢樣做果樣, 做完又呢樣做得唔好,果樣又點點點... 真係幾唔高興, 然後佢個男朋友黎等佢收工,佢2個就係度玩,係度笑,當其他人(我) 死既咁,等到夠鐘,我咪同果個同事講,夠左鐘啦,我sign off 收工啦, 然後佢就眼定定咁望住我,叫我做埋d手尾先走wo,但佢2個仲係度玩緊,咁我咪忍佢,做埋果少少手尾嚕,然後企係隻,等佢叫我走,然後然後..佢先叫我走...


係呢件事上面,我做錯d咩? 佢地係度玩, 我都行開唔阻住佢地啦, 佢地行左我行右...

咁我應該要點同人相處先係正常呢? 我覺得佢地有黑面,只係我無望佢地,佢男朋友仲細細聲同佢唔知講咩,應該係話我怪人之類(有聽到少少)