我屋企既印傭由我六歲開始照顧到我依家 足足八年啦..
(因為我就快要移民去英國讀書 所以唔可以再請佢..)
佢仲有四日就要走,真係唔知點算好,
我都知道人總會離別,但係我真係好難接受到依個事實
每次諗返起我果陣仲細細個 先有佢大脾咁高 仲同佢一齊學中文 我就會喊到收唔到聲
我知道佢要同屋企人分離黎香港做野都係好慘既事 我冇可能再留住佢...
我同佢咩心事都會傾 佢直情好似我第二個媽媽咁......
佢走左之後我諗都冇咩機會再見面 佢住果邊科技冇咁發達 要聯絡都好困難...
每晚諗起佢就快走我都喊到停唔到 到最後一日我真係唔知點算 ...
我聽日想去買一份禮物比佢 但係唔知應該比咩佢好...你地有冇D咩提議呀?
我依家一路打都一路喊 只係想抒發下 希望有人可以開解下我啦!
工人姐姐就快走啦..超唔捨得..有冇人可以安慰下我...
2012-07-16 9:08 am
回答 (7)
2012-07-16 10:20 am
✔ 最佳答案
我都好感慨, 每個人都要一直經歷離合,其實佢只係返屋企,又唔係去死0.0" 你地一樣可以打電話聯絡呀,印尼果邊唔至於無電腦呱0.0? 可以用MSN FB 之類傾計呀,仲有SK RC 都有語音TIM , 8年既相處話長唔長,話短唔短啦,再唔係可以用手寫信寄來寄去,係時間要多少少,感情可能會仲好,等你大個賺到錢,可以過去搵佢當旅行啦^^到時佢可能見到你大個左叻左,更高興呀!!至於禮物喔O.O~ 你仲咁細過,錢唔多,送D心意既禮物就好啦
唔好唔開心啦,不竟佢係返屋企呀嘛,係一件開心事喔
2012-07-22 5:57 am
8年....好長既時間....唔怪得之你喊成咁啦...娘娘地講句,人有悲歡離合,呢D事係人都要經歷嫁喇!!你都唔好咁傷心!!喇你諗下,你冇左工人姐姐,你仲有屋企人呀!佢地一樣咁錫你嫁!你又諗下,工人姐姐都有自己既屋企人嫁!佢都好掛住佢自己屋企人嫁!就好似你掛住佢咁!佢都一樣會好掛住你嫁!!!其實有D分離既經歷都未嘗唔係一樣好事,至少你以後再面對,都有經驗丫!!而且你第日諗返起,係真係會會心微笑嫁!!!^^你只要好好咁記住同佢一齊既美好回憶就得啦!!
而如果我係工人姐姐...我會想你送D我日常生活都會用到既,一見到囷樣野就好似見到你咁,比如D手錶手鏈,項鍊咁樣,不過如果我係工人姐姐,你送乜野我都會好開心嫁!!!希望我D回答會幫到你啦!!!^^
而如果我係工人姐姐...我會想你送D我日常生活都會用到既,一見到囷樣野就好似見到你咁,比如D手錶手鏈,項鍊咁樣,不過如果我係工人姐姐,你送乜野我都會好開心嫁!!!希望我D回答會幫到你啦!!!^^
2012-07-22 5:47 am
我之前都有個工人姐姐照顧咗我好耐，由細細個開始就照顧我，直至上年因為媽媽唔返工可以照顧我，所以唔再請工人姐姐，我同佢足足相處咗15年，就好似我嘅親人，突然唔要佢，我果陣都傷心咗好耐。
個工人姐姐之後開咗FB仲比咗個e-mail我，所以我哋可以繼續聯絡，之後我仲寄咗好多DIY嘅禮物比佢....
其實你都可以同佢交換e-mail，之後就可以繼續聯絡!!
個工人姐姐之後開咗FB仲比咗個e-mail我，所以我哋可以繼續聯絡，之後我仲寄咗好多DIY嘅禮物比佢....
其實你都可以同佢交換e-mail，之後就可以繼續聯絡!!
2012-07-20 6:44 pm
好感人！不過真係無乜辦法，只有寫信/通電話，保持聯絡！
2012-07-19 5:46 am
我睇完你個POST 都見到你都好唔捨得工人姐姐
不過好似上面咁講你可以用好多方法同佢SAY GOOD BYE
同時雖然14歲唔係好大不過都要嘗試去接受離別 要去學習
可以搵我地傾下呀:D
小童群益會 夜貓ONLINE
MSN:[email protected]
不過好似上面咁講你可以用好多方法同佢SAY GOOD BYE
同時雖然14歲唔係好大不過都要嘗試去接受離別 要去學習
可以搵我地傾下呀:D
小童群益會 夜貓ONLINE
MSN:[email protected]
2012-07-18 1:31 am
其實你同工人姐姐相處左8年..一定
會唔捨得的....你可以係佢走之前同佢傾
多啲計...同佢講你會好唔捨得佢個d...:)
除左音樂盒:) 你可以自製一張心意卡....
講低你地以前的野...影張相曬出黎痴好佢...
我諗工人姐姐都會好感動架:)! 係囉:)你都知道
可以寄信溝通啦...唔好喊啦知唔知呀???
會唔捨得的....你可以係佢走之前同佢傾
多啲計...同佢講你會好唔捨得佢個d...:)
除左音樂盒:) 你可以自製一張心意卡....
講低你地以前的野...影張相曬出黎痴好佢...
我諗工人姐姐都會好感動架:)! 係囉:)你都知道
可以寄信溝通啦...唔好喊啦知唔知呀???
2012-07-16 1:06 pm
工人姐姐就快走啦..超唔捨得..有冇人可以安慰下我...對唔住, 真系唔識得點樣安慰你, 只要你相信人存在身康健總有相見一天, 相信
離合悲歡只是人生過程中的一個循環.
禮物不防考慮送 ....................
一部 pc laptop + 眼仔 或 一部 ipad 可以在 youtube/facebook/skpe 隨時溝通.
離合悲歡只是人生過程中的一個循環.
禮物不防考慮送 ....................
一部 pc laptop + 眼仔 或 一部 ipad 可以在 youtube/facebook/skpe 隨時溝通.
收錄日期: 2021-04-13 18:49:35
原文連結 [永久失效]:
https://hk.answers.yahoo.com/question/index?qid=20120716000051KK00042