✔ 最佳答案
你以這種心態看待你的職業或前途則兩樣都不適合你,因為: 護士除了見血外,還有很多屎屎尿尿淋淋腫腫要見,仲要先讀最少兩年書(如果讀degree四年)學幾十種科目記幾百種葯物和醫理技術才可以實習開工,做到護士長管人仲要處理埋啲人事和醫院行政和病人關係課題…永遠都要返shift(輪更)。當然向錢看五年內應該有錢買你第一層樓,有專科資格(例如產科)仲可以你揀工…如果識得賺多啲仲有機會四十歲就可以退休。 酒店永遠要由低做起,如果醒目(你似乎心理上已準備好)也要兩三年才可以升到主管級,或者唔識做的話十年都是在同一level在不同部門「實習」或比人當妹仔,當然英文要好啦又要話講嘢和令客人和同事感覺親切最為重要。同樣要返shift(輪更),做到總經理仲慘,24小時on-call,賺唔到錢入你數,賺到錢入公司數,貴客投訴實有你份,員工不滿又關你事,跟其他酒店又要比評級,仲要廣識人面增加知明度,週年晚會可能仲要識表演唱卡拉ok。做到盡都係十萬八萬人工。 講到口水乾你最好都係做名媛好似比較合適,生活會比較有安全感和好好多。