裝室內WIFI問題(20分)

『如果想裝WIFI,點裝?要買邊隻,或咩類型既路由器?』
基本上是但買個無線router都用得。
router會有一個入，叫wan，四個出，叫lan。你之前入電腦線拔出，插到router wan，將另一條線由lan口接翻到電腦。完工。
之後在電腦輸入router地址，通常係192.168.0.1，輸入密碼，通常係admin/admin，(睇說明書)，入左router設定頁，將wan或internet連線方式改為 PPPOE，將你netvigator登入名及密碼輸入。已經可以上網。
wifi就轉到wireless頁，輸入自選的SSID，即係你個網路名，及輸入一組wifi密碼，通常係10個數字，又完成。
『裝左WIFI後,會唔會影響到NOW TV?』
唔會
『整左WIFI後,上網中洗唔洗打密碼?OR會唔會影響到本身寛頻公司提供既服務?(例如用唔到)』
不須。如用無線連，第一次要輸入wifi密碼。不會。
『可以讓幾多部電腦/智能手機上網?以及速度有無影響?』
理論上五十部冇問題，實際上你得6mb，如果一部腦bt用盡6mb，其他會好慢。注意係nowtv如果開左會佔左一半頻寬，即係data得3mb左右。不過大部份情況睇下網頁，收下email唔多覺有另一部機在分享。