女童軍和同童軍的分別?

其實要講童軍同女童軍嘅分別，首先要講講佢哋發展嘅歷史。童軍運動係1907年始源於英國，以貝登堡勳爵所著嘅童子警探為主導,而女童軍運動亦係始源於貝登堡勳爵，之後由佢嘅妹妹同妻子協助發展。

另外，自1982年香港童軍總會推行天虹計劃，香港嘅童軍旅團己經可以兼收女性成員。而香港女童軍方面，自第一隊女童軍於1916年成立以來，一直都只有招收女性成員。

係各項訓練方面，由於成員對象嘅分別，當中嘅內容會有唔同。

童軍方面，由於起初創辦嘅時候係以男成員為主，所以佢嘅活動會比較動態，雖然隨着女成員嘅加入，專章同訓練網要亦加入咗一Ｄ切合女性嘅原素，如專章中有音樂章、手藝章等，但童軍始終會較多嘅戶外活動，好似露營、遠足呢Ｄ活動

女童軍方面，由於以女性為成員對象，入面嘅活動就相對會偏向靜態。雖然女童軍亦有露營等嘅戶外活動，但相對童軍的次數和規模，女童軍嘅會比較少同細型，興趣章方面亦是主要針對女性喜好來設立，有如針織章、插花藝術章等。

除咗上述嘅不同之處，童軍同女童軍亦有一些相同之處，例如係禮儀方面，童軍同女童軍都係以左手握手，而童軍同女童軍嘅銘言亦同樣係「Be prepare」。

至於選擇參加童軍定女童軍，我認為首先要視乎你女兒嘅性格，若果佢係比較鐘意戶外活動的話，童軍我相信會較為適合，若果佢係比較鐘意一Ｄ靜態活動，我相信係女童軍佢會開心Ｄ。

另一方面，因為童軍成員中有男性同女性，而女童軍成員就只有女性，參與童軍可以令小朋友學習同異性嘅人相處，對佢哋嘅人際關係會有正面影響，而參加女童軍就可以令小女孩們較容易識到朋友，選擇參加邊樣就可以睇下希望小朋友有Ｄ咩得着。

我自己本身係女仔，由小二已經開始參加童軍（香港童軍總會的），曾經做過團隊長，而家係一個旅團領袖，以上只係我一Ｄ粗淺嘅童軍知識同見解，希望幫到你啦！

女童軍只係for女仔,訓練ge野都係一d女性基本要學ge,例如針線啦,煮飯啦之類

而童軍就男女都得ge,不過學ge大多數都係d野外生存技巧等

童軍(boy scout)與女童軍(girl guide)基本是兩個組織，各自有自身行政體制及訓練管地。
童軍之訓練主要為戶外外展訓練，分山藝及水上活動兩大分支；海童軍為白、藍色制服；陸童軍為卡奇、綠色制服。兩個分隊之童軍之活動及技能都基本上相同(我就看不出有何分別)。現時童軍組織都會招收一些女性學員，稱為girl scout，活動與boy scout 一樣；其制服特點是將童軍之裋褲改為裙褲。
女童軍(girl guide)之制服為連身裙(藍色)，小女童軍則為啡色。活動主要為戶內活動及訓練組織能力。
正常來講，童軍活動注重體能技巧訓練，包括山藝技巧及水上活動，訓練項目範圍廣泛。而女童軍注重訓練女性修養，而且制服較美觀；但技能項目較少，戶外露營更絕少出現。選擇那個組織都應視你個女之性格，及平時有幾多空閒時間，因童軍活動所用之時間較多。