英國留學及旅行問題

首先, 一般機票只容許乘客帶 20 公斤的寄艙行李, 就算某些航空公司提供的學生機票也只可以最多帶 30 公斤行李... 因此, 你係絕冇可能一次過帶走所有東西. 帶得走, 你亦攞唔到, 因為唔會有人幫你搬行李 !

因此, 你只可以先打算怎樣帶走急需及又實用的東西. 例如秋冬季的衣服, 充電器等等. 不一定需要的東西, 日用品, 可補充的用品請於當地購買, 因為你住 4 年, 就要學識怎樣在當地找尋便宜及合用的東西, 不可指望香港的補給了. 至於你返學用咩袋, 係你的個人問題啦.

因此, 你需要將預算帶過去的東西全部拎晒出嚟, 睇下有幾重, 你最多可以揀 20 - 23 公斤的物料, 另外幾公斤係旅行喼的重量, 你帶多一個喼, 即係你需要減少帶衣服的數量. 是否值得 ? 而 20 - 23 公斤有幾多野 ?? 真係唔多. 秋冬衣服加鞋, 仲有褸, 還有初期需要的日用品等等已經差不多了...

羽絨只係保暖, 而不擋風, 你需要多加一件風褸. 比較好的選擇是 Goretex, 輕身擋風而保暖. 絨褸太重, 放棄吧. 凍嘅天氣係會適應嘅, 不需太緊張, 而且你在冬天, 是甚少留在街上的.

旅行袋同 backpack 的分別?? backpack 係背囊, 旅行袋只係一個大袋, 就係咁簡單. 一般歐遊會用 backpack... 是否可以負重, 要睇下你既身體, 有否做運動... 以你的體重, 如果你有做運動, 背上 15 公斤應該不是問題. 如果你沒有做運動, 去到英國買/ 借個細喼吧

台灣旅行 5 日, 如果中途冇轉酒店, 用喼吧