香港有咩地方好玩同埋旅遊好地方?.

帶外國朋友玩香港，可以推介你幾個景點：

1. 坐纜車上山頂睇夜景。呢個係香港一大景點，對於外國人黎講非常新奇。至於蠟像館，錢多的話都可以順道一去，錢少就可以skip。同埋可以去中環睇下d英式建築物、中銀大廈等等d特別landmark。每晚8點維港由尖東鐘樓角度可以睇幻彩詠香江激光show，可以坐渡海小輪過去。

2. 海洋公園&迪士尼。如果只揀一個就去海洋公園啦，我朋友話海洋公園好玩好多。迪士尼女仔會岩d，有閒錢都可以去下既，當係到此一遊咁。

3. 坐船過去澳門一/兩日遊。可以帶佢去食葡國菜(小木偶)、睇大三巴、食詎記手信、去威尼斯人+賭場見識下、去旅遊塔感受腳底係玻璃地板同係旋轉餐廳食tea buffet、去官也街食水蟹粥、葡撻同莫義記食木糠布甸 (建議去中旅社買定套票有優惠)。我朋友係澳門玩得好開心。

4. 昂坪360睇大佛。可以坐水晶地板既纜車。坐單程就夠，跟住可以坐巴士去石澳出海睇中華白海豚同食海鮮。

5. 旺角女人街。好多外國人都好驚奇香港尤其係旺角人口密度之高，同埋d招牌neon light都掛哂出建築物之外。旺角係一個幾可以代表香港既地方，你可以帶佢去女人街行街同買手信，記得講價﹗另外佢有興趣亦可以行下d大型商場eg新世紀、電腦廣場之類。可以試下d街頭小食同許留山之類﹗

6. 長洲。坐船去長洲行下市集，食下海鮮、踩下單車、飲飲食食，仲可以去海灘玩同游水添﹗好有度假feel。

7. 飲茶。如果你表哥唔係廣東人，可以帶佢去茶樓飲下茶感受下香港地道文化。一盅兩味，熱熱鬧鬧。

8. 踩單車。如果你表哥鍾意活動，你又識路既話，可以選擇同佢踩單車(由大圍/沙田)踩到大尾篤交車，沿途風景好靚，去到大尾篤堤壩可以休息同玩，個度有好多餐廳任你揀。我朋友都好鍾意呢個項目。

9. 廟街。晚上可以帶佢去油麻地廟街食道地煲仔飯同蠔餅、海鮮等。飲杯啤酒，氣氛一流。晚上既廟街好熱鬧，仲有d平價既地道市集。

10. 蘭桂坊。體驗香港夜生活﹗日間可以去坐上半山既扶手電梯，風景都唔錯，仲可以行下soho區。永樂街有觀光客既樓梯市集，幾有古色風情。

記得買張八達通俾佢，同埋電話sim卡。咁就perfect﹗我曾經

唔使，你講嗰啲地方都唔實際，緊係游廣東道，同埋彌敦道，起碼自己人都會多啲。