有關加農炮,迫擊炮,榴彈炮的....(10分)

樓主問咁多問題，等我系統啲回應。加農炮(Cannon)、榴彈砲(Howitzer)、迫擊炮(Mortar)係三種不同既武器，主要既分別在於射程及彈道軌跡。而迫擊炮炮彈同另外兩種炮既炮彈亦有不同，後面會講。

加農炮主要既特點係射程較短、彈道非常平直，通常作為大口徑艦炮、坦克炮、戰防炮等。發射既炮彈包括高爆彈及穿甲彈。

榴彈砲最大特點係彈道介乎加農炮及迫擊炮之間，榴彈砲最重要係要射程遠，所以榴彈砲既發射角一定至少去到45度，通常都可以去到60度。由於發炮打得最遠，所以用既會係高爆彈，而榴彈砲主要用於陸軍炮兵。值得講既係榴彈砲都可以平射，只係炮彈會極快下墜令射程極短，所以陸軍炮兵必須要有人保護，打近戰並不在行。

迫擊炮既發射彈道最高，通常射角大於60度，主要係用來打高障礙物後面既目標。由於射擊動作特別，所以迫擊炮既發射方式及炮彈設計都比較特別。加農炮及榴彈砲都係由炮尾裝彈及卸除彈殼，但迫擊炮就係由炮口將炮彈"sir"入炮底，當炮彈尾部撞上炮底撞針就會被擊發射出，唔會有彈殼留低。呢種炮比較輕便，最適合打陣地戰及巷戰，通常由步兵攜帶。

口徑(Caliber)係指炮口有幾闊，當然係指炮口內壁(即係有鏜線嗰一面)直徑而唔係外圍直徑。加農炮口徑最多元化，理論上一支槍都係加農炮，但最誇張既有日魔大和號上面既18吋(480mm)炮，當然呢支垃圾大而無當，打親必唔中，所以唔係大就好。

榴彈砲由於要作為炮兵之用，所以口徑一般唔會細，通常都有105毫米，即係10.5厘米，重炮常見既有155及208毫米口徑。最誇張既係納粹既兩支鐵道炮古斯塔夫(Gustav)及道拉(Dora)，有800毫米。

迫擊炮一般係80毫米口徑，但近年興重型迫擊炮，會去到120毫米，但咁樣支炮會勁重，唔可以用人運輸，要用裝甲車帶住四圍去。順帶一提，榴彈發射器算係迫擊炮一種，因為都係由炮口裝彈及擊發，只係槍榴彈要人擊發。

步槍子彈理論上同狙擊子彈一樣，只係後者會大啲，因為要打得遠啲。 狙擊槍槍管的確長啲，就係為左穩定啲，可以射得遠而準。

榴彈炮係咪姐係榴彈發射器??

兩樣野離,榴彈炮可以射核彈,發射器可以裝係步槍度,

榴彈係咪姐係好似散彈槍咁,一射出去就散開,定散出去等一陣先彈D鐡珠出來?
射左,爆,再散,

加農炮同迫擊炮係咪姐係同一樣野?
唔同,迫擊炮是對遮蔽目標實施曲射的一種火炮,

加農炮對地面或水上目標進行平射的火炮、主要用于射擊垂直目標、裝甲目標和遠距離目標

口徑姐係槍的長度?
係所用既子彈直徑,
姐係衝鋒槍同手槍D子彈係咪一樣?
係
步槍同狙擊步槍用D子彈係咪冇分別?
有,因凸緣式彈藥凸緣無法承受彈藥燃燒爆炸的高壓而容易發生彈殼斷裂，狙擊步槍不採用此種彈藥。
槍管長度係咪愈長愈準?
長得要岩比例,槍管內有螺旋紋增加準確性