但係對住朋友/識既人,就講好多野
就黎到暑假,屋企人就要我搵份暑假工做
一聽到佢地咁講,我成日人崩潰咁濟
我又未搵過工,朋友同學又未打過工
加上幾乎我可以搵既人都會係暑假外出旅遊
咁就冇人陪到我一齊搵工:(
我有識過同屋企人講我有依個問題(其實佢地不嬲都知)
但佢地就話"咁仲好啦,訓練下你,等你唔好咁怕羞"
我宜家真係失晒方向,我連要點踏出第一步都未知-0-
我去邊到搵暑期工-0-
要做啲咩,洗唔洗面試-.-
要帶咩去搵工我都未知...
仲有我真係好怕羞,我成日覺得自己做個啲野會比人笑:(
e.g 有一次,我啊媽叫我去sasa幫佢買啲化妝品既物體
我本身自己冇乜接觸過依啲野
我入到去(sasa)已經出晒汗,諗住搵下個樣產品啦
但係我一行埋去個啲架((放化妝品既個啲架))到就腳震....
之後個啲女仔就行埋我到問我,有咩幫到你啊
我仲驚,之後就雞咁腳出左去
出到去我簡直想喊
我比個啲人,見到我係到睇化妝品
我唔知點解覺得佢係到笑我
我覺得佢心諗:哇!佢咁細個/咁老土/咁樣衰,係到睇化妝品喎,哈哈哈
我唔知自己點解會咁諗-0-
我已經同自己講,佢地唔會咁諗!宜家係我幫襯佢,我比$佢洗
但係見到佢地都係不自覺咁覺得佢地笑緊我
唉,有冇咩可以改善啊?!
更新1:
大雄 : 我試過去搵自己既優點架:(但係我次次都搵唔到 反而仲搵出一大堆缺點 shingchi : 我宜家15歲:)我都有咁樣諗過:>但係嘗試過之後宣告失敗 講真我唔係怕比人呃:(我都唔介意去做啲咩辛苦既野 例如派傳單我都唔介意;) 但如果我去M記個啲我會拎自己同人比較:(同埋會好怕好怕做錯野 我諗我最大既問題係自己本身做野經常做唔好-0-所以冇自信 同埋我發現我面對一啲唔認真既場面既時候就唔緊張 但面對一啲長輩,經理,老板(特別係個樣好啤嚴厲,好似人地差佢幾百萬) 面對個啲人就好驚:(好自卑 唉-.-總之我成日諗人地點睇我,點諗我 仲要次次都係負面:(
更新2:
Ching Yi : 我真係連想搵咩工都唔知-0- 但係我真係怕要面試:( 我怕佢問個啲野我會唔識答:< 如果有份工係填完form就可以既話就好-..- ros****** : 我參加活動個時唔驚架-0- 因為可能參加活動個時比較輕鬆 Glass DolL : 好多謝你咁鼓勵我:) 但係我諗我太多數係自卑-0- 介意人地點諗我:)
